Chapter 3

Chapter 3

Nagtabon ng unan ang dalagang si Sofia nang matamaan ang mukha nito ng liwanag mula sa bintana ng kanyang hinihigaan.

"Sino ba kasi ang nagbukas ng bintana!" inis na wika niya.

Napatayo si Sofia nang maramdaman niyang parang may tao sa kanyang tabi. Dahan-dahang inangat ni Sofia ang unan na nakatabon sa kanyang mukha. Gulat na gulat siya ng makita na nakatayo ang isang lalaki sa gilid ng kanyang kama.

"Kamusta ang prinsesa huh, puyat ka ba?" seryosong tanong nito sa kanya.

Agad na tumayo si Sofia sa kanyang kama at hiyang-hiya na napayuko ito.

"Ipapaalala ko lang sayo na hindi ka bisita rito sa bahay ko okay?" seryosong tanong ni Benedict dito.

"Oo na, pasensya na napasarap lang talaga ang tulog ko!" sagot niya sa binata.

"Nay Belen, pakibigyan sya ng uniporme at pakituruan na rin ng kailangan niyang gawin dito sa bahay!" utos nito sa matandang kasambahay.

"Masusunod po, señorito!"

Naiwan ang dalawa sa loob ng silid ng mga ito, kinuha ng matanda ang uniporme na nasa loob ng kanyang cabinet.

"Isuot mo ito, sakto lang siguro sayo ng uniporme na yan, payat rin kasi ang dating may-ari nyan!" wika pa nito.

"Pasensya na po kayo, Nay Belen kong napasarap ang tulog ko, talagang napagod lang po ako kagabi!" paghingi niya ng paumanhin dito.

"Ayos lang iyon, Sonia, pagpasesnyahan mo na rin ang señorito mo, pero mabait talagang bata iyan!" nakangiting wika nito sa kanya.

"Mabait po? Eh halos nga po ibaon na ako sa lupa habang pinagagalitan ako!"

Natawa naman ang matanda sa tinuran ng dalaga.

"Bilisan mo na mag-ayos ng sarili mo at sumunod ka na sa kusina para makapaghanda tayo ng almusal!"

"Opo, Nay Belen, bibilisan ko lang po maligo!" sagot niya.

Dali-daling nagtunggo sa banyo ng mga ito ang dalaga. Napakamot pa sa ulo ng maalala nito na wala pala siyang anomang gamit sa banyo.

"Paano ba yan? Hindi pa naman ako sanay na walang skincare at bathrobe!" kakamot-kamot niyang anas.

Nakita niya ang maliit na sabong panligo at sachet ng shampoo na naroon sa banyo, Dahan-dahan niya itong hinawakan na parang diring-diri ito.

"Really, ito lang ang ginagamit ni Nay Belen na bathing soap and shampoo?" nakangiwi pang anas niya.

Hinubad niya ang kanyang kasuotan at pinihit ang shower, napasigaw pa sya ng maramdamang sobrang lamig ng tubig na naroon.

"Ano ba naman ito, wala bang warm water sa shower? Ang laki-laki ng mansyon pero napakamakaluma ng mga gamit!" naiinis na wika niya habang naglalagay ng shampoo sa kanyang ulo.

Naabutan naman ni Belen na naglalagay ng juice sa baso ang binatang si Benedict.

"Hijo, ako na ang gagawa niyan!" wika nito.

"Ako na lang po, Nay Belen, nasaan na nga po pala ang alaga nyo?" tanong nito sa matanda.

"Mukhang naliligo pa, hayaan mo na lang muna at baka nainibago pa dito sa mansyon!" natatawang si Belen.

"Pasensya na po Nay Belen, kanina kong nasungitan ko din kayo huh? Gusto ko lang ipakita sa kanya na narito sya para hindi magbakasyon!"

"Teka nga pala, hijo! Saan mo ba nakilala si Sonia? Sigurado ka bang nagaapply sya ng maid dito sa mansyon? Mukha kasing mayaman na bata, napakaganda at pati ang kutis nito napakaputi at kinis!"

"Actually, nay! Mahabang kwento po kaya ko dinala dito ang babae na iyan, hindi ko naman gusto na kumuha pa ng maid kung hindi nga lang makulit ang isa na iyan!" naiiling pang anas ni Benedict.

"Ibig sabihin, itinanan mo si Sonia?" gulat na tanong nito sa binata.

"Nay, naman! Hindi naman po ako ganoon kadespirado pa para maghanap na lang ng kung sino-sinong babae!"

"Pero, sa totoo lang, hijo, maganda si Sonia at bagay kayo!" biro pa nito sa binata.

"Never, nay, alam mo naman na ayokong nagseseryoso sa mga babae, okay lang na chill-chill lang!" kindat pa nito.

"Ikaw talaga, pilyo kang bata ka!" naiiling na si Belen.

Paikot-ikot at nilalamig na si Sofia sa loob ng banyo, wala kasi itong tuwalya na pwedeng ipampatuyo sa katawan niya.

"No choice!" anas niya at kinuha ang kanyang hinubad na t-shirt at ito ang ipinunas niya sa kanyang katawan at pantuyo sa kanyang buhok.

"Oh my God! First time in my life na gawin ito!"

Dali-dali naman si Sofia na magbihis ng damit para makasunod na ito sa kusina. Isinuot niya ang uniporme ng maid at mabilis na nagsuklay lang ito ng hanggang balikat na buhok.

Nilibot ni Sofia ang loob ng mansyon para hanapin ang kusina.

"Nasaan na ba kasi ang kusina? Infairness kahit medyo makaluma ang mga gamit ng mayabang na lalaking iyon eh, napakalaki ng mansyon! Mag-isa lang ba talaga syang nakatira dito?" tanong niya sa sarili.

Isa-isang binuksan ni Sofia ang mga pinto nagbabakasakali na ito ang pinto ng kusina.

"Napakadaming pinto, nalilito na talaga ako!" naiiling pang si Sofia.

Hinawakan niya ang seradora at dahan-dahang binuksan ang pinto, pero laking gulat niya ng makita kung ano ang nasa loob.