Chapter 5

Dali-daling tumakbo si Benedict sa lababo at dumuwal ng dumuwal ito, matapos inumin ang tinimplang kape ng dalaga.

Agad na tinikman ni Belen ang kape na tinimpla ng dalaga at napangiwi pa ito dahil sa sobrang pait ng kape na itinimpla nito.

"Nay Belen, what kind of coffee did i just drink? It taste terrible!" bulalas na tanong ng binata sa matanda.

Napatinggin naman si Belen sa dalagang si Sofia na hindi rin maipinta ang mukha.

"Pasensya kana, hijo! Naparami ata ang lagay ko ng kape, medyo malabo na kasi ang mata ko! Hayaan mo at papalitan ko na lang!" wika pa ng matanda.

Nagulat naman si Sofia ng pagtakpan siya nito sa binata. Malungkot na tuminggin si Sofia sa matanda at ngumiti naman ito.

"It's okay nay, mag-jujuice na lang po ako, kumain na po kayo diyan, huwag nyo na po ako alalahanin!" magalang na sagot nito sa matanda.

Ipinaghanda naman ni Belen ng tuna sandwich na paborito nito ang binata. Hindi man lang tiningnan ng binata ang tahimik na si Sofia at lumabas na ito ng kusina.

Agad na lumapit si Sofia sa matanda.

"Nay Belen, bakit po kayo nagsinungaling kay señorito na ikaw ang gumawa ng kape na ito huh?" mahinang tanong niya sa matanda.

"Hayaan mo na, alam ko kasing magagalit na naman sayo iyon kapag nagkataon, gusto mo bang sungitan ka na naman niya?"

"Pero, mali po na akuin nyo ang pagkakamali ko!" malungkot na anas nito.

"Sa susunod eh sbihin mo sa akin ang totoo kapag hindi mo alam ang isang bagay para natuturuan kita!" nakangiting wika nito sa kanya.

Hindi naman namalayan ni Sofia na nayakap na pala niya ang matanda. Napatulo na lang ang luha nito ng hindi malamang dahilan, bigla kasi nitong naalala ang kanyang ina.

Hindi naman lingid sa kaalaman ng dalawa na nasa gilid ng kusina lamang ang binata at pinagmamasdan at pinakikinggan silang dalawa. Hindi malaman ni Benedict kung bakit medyo napangiti siya dahil sa pag-aalala ng dalaga sa pag-ako ni Belen ng kanyang kasalanan.

"Who knew you had a sweet side!" naiiling na anas nito at umakyat na sa kanyang kwarto.

Nagulat naman si Belen ng makitang umiiyak si Sofia.

"Bakit ka umiiyak, Sonia?" takang tanong nito.

"Wala po, naalala ko lang po bigla ang mo_!" nahinto so Sofia sa sasabihin. "Ang mama ko!" segunda niyang sagot.

"Mama's girl ka pala ano? Pero teka nasaan ba ang mama mo?"

Hindi agad makasagot si Sofia dahil kailangan niyang itago ang totoo niyang pagkatao sa matanda.

"Ah, nasa probinsya po ang mama ko at papa ko, nagkaroon po kasi kami ng problema sa pera kaya kailangan ko pong magtrabaho para mabayaran ang utang namin sa isang matandang bilyonaryo!"

"Bilyonaryo? Ibig sabihin malaki ang utang ng pamilya mo?" bulalas na tanong nito sa kanya.

"Parang ganoon na nga po nay!"

"Pero bakit nagkautang kayo sa isang bilyonaryo?"

"Ahmm, dahil po sa negosyo ng papa ko!" sagot niya.

"Ibig sabihin, negosyante ang parents mo? Eh bakit narito ka at pumapasok na katulong?"

"A_ahhh, hindi po kami mayaman nay, maliit na tindahan lang po ng grocerry ang negosyo nila sa probinsya!"

Hindi na malaman ni Sofia kung paano pa niya sasagutin ang mga tanong ng matanda.

"Nagtataka nga ako kay señorito kung saan ka niya nakuha? Kasi mukhang hindi ka naman sanay sa mga ganitong gawain at tingnan mo ang kutis mo napakakinis at lambot ng mga palad mo!"

"Magaling lang po mag-alaga ang mama ko pagdating sa akin!" pagsisinungaling pa niya.

"Sabagay, lalo na ganyang kaganda sayo talagang hindi ka ipapakagat sa lamok ng mama mo!" natataw pang sagot ni Belen.

"Hindi naman po!" nahihiyang anas niya sa matanda.

"Kung gugustuhin ko nga ay bagay kayo ni Señorito Benedict eh! Maganda ka tapos sya g'wapo!" may kaunting kilig sa tinig ng matanda.

Ramdam naman ni Sofia ang pag-init ng kanyang magkabilang pisngi dahil sa sinabi ng matanda.

"Oh sya sige na mag-almusal na tayo, at ako na ang magtitimpla ng kape, kaya tingnan mo kung paano ang mga anount na nilalagay ko huh?"

"Opo, Nay Belen!"

Tatango-tango naman si Sofia habang tinitingnan ang pagtitimpla ng kape ng matanda. Namamangha ito dahil ngayon nya lamang nakita kong paano ba magtimpla ng kape. Nasanay kasi ito na puro order lang ng ice coffee sa starbucks kaya never pa nito na-itry gumawa ng sarili nyang kape.

"Oh sya ikaw naman ang magtimpla ng sayo, subukan mo dito sa isang baso!" utos naman ng matanda.

Seryosong-seryosong nagtimpla ng kape si Sofia sa tulong ng matandang si Belen.

"Ayan, sigurado ako na kapag nainom na yan ni Señorito Benedict ay hindi na ito maduduwal!" natawang biro ng matanda sa dalaga.

Natuwa naman si Sofia ng matikman nito ang lasa ng kape na siya mismo ang gumawa.

"Grabe, nay, ang sarap ng amount ng coffee, sugar at creamer na nilalagay mo!" parang batang tuwang-tuwa ito at hinigop pa ang kape.

"Alam mo nagutuwa ako sayo, parang hindi ka naman sanay sa hirap eh, tsaka ngayon lang ako nagkaroon ng kakilala na hindi marunong matimpla ng kape." wika pa ng matanda sa dalaga.

"Pasensya na po, si mama po kasi talaga ang nagtitimpla ng kape ko kaya hindi ako marunong, pasensya na po kanina kung nagmarunong ako!"

"Ayos lang iyon, ngayon masasabi mo na sa mama mo na marunong ka na magtimpla ng sarili mong kape!"

Bigla namang namiss na naman ng dalaga ang kanyang ina. Ayaw man niyang mag-alaala ang mga ito pero ito na lang din a g naiisip niyang paraan na baka magbago ang isip ng kanyang daddy at mommy na ipakasal siya sa matandang bilyonaryo na iyon.