Chapter 36

"Nagseselos ka ba kay Lyn? Siguro naman may karapatan akong gawin ito." Hinawakan niya ang pisngi ko at bigla na lang niya akong hinalikan sa labi. Dilat na dilat ang mata ko sa ginawa ni Reyman, at unti-unting napapikit dahil nakuha ko na ang inaasam kong halik.

Ilang segundo na yata akong nakapikit, hind ko alam kung anong magiging reaksyon ko kung kikiligin ba ako o maiinis dahil saglit lang ang halik na iginawad sa akin ni Reyman.

Nagmulat ako nang mata at nakita kong nakatitig pa rin sa akin si Reyman. Napamaang na lang ako sa kanya habang si Reyman naman ay ngumiti bago nagsalita.

"Diyan ka muna, lalabas lang ako para i-check ang emails ko," anito bago tumalikod na at umalis na nang kuwarto.

Narinig ko ang pagsara nang pinto, saka lang ako nakahinga ng maluwag at nagpakawala nang malalim na paghinga.

"Hi-hinalikan ako ni Reyman?" Kinapa ko nang daliri ko ang labi ko, ramdam ko pa ang init nang labi ni Reyman na kanina lang ay dumampi roon at siniil ako ng halik. Napakalakas n