Chapter 44

"Hanggang kailan mo ba ako pasasayahin, Reyman?"

"Hanggang may ngipin ka pang-ingingiti," tugon nito.

Niyakap ko naman siya at isinandal ang mukha ko sa dibdib niya. Ang sarap sa pakiramdam na may taong nagpapasaya sa 'yo at nagmamahal ng totoo.

Natigil ang lambingan namin ng magsalita ang assistant ni Reyman.

"Sir, may kaunting problema po tayo," saad nito.

Napakunot noo si Reyman, at napaisip. "Problema? Bakit, anong problema?"

Nagkatitigan ang dalawa, maging ako ay nawala rin ang ngiti sa labi.

Naka-upo ako sa sofa, habang si Reyman at ang assistant nito ay pinag-aaralan ang mga dokumento na nakalagay sa lamesa. May nawawala raw na pera sa kumpanya, at ito ay napermahan daw ni Reyman kaya naman nakalabas ang perang 'di hihigit sa 40% na share.

"Sigurado ka bang perma ko iyan? Para kasing hindi ko naman iyan pinermahan. Wala akong nabasa na ganiyan," ani Reyman.

"Sir, perma mo po ito, pero hindi po ako ang nagpaperma nito sa inyo. Nagtataka lang ako, bakit may perma ninyo ito n