Chapter 21

"Okey lang po ako sir, huwag na po tayong huminto. Sa bahay na lang po." Namumutalang sabi ko. Sana hindi ako nakita ni dad, sana hindi niya malaman kung nasaan ako. Ayoko pang-umuwi, ayokong magpakasal sa lalaking hindi ko mahal.

Napapasulyap sa akin si Sir Reyman. Pero hindi naman niya magawang magtanong dahil parang balisa akong nagpapalinga-linga. Binuhay nito ang radyo, kaya naman medyo nakampante ako dahil sa musikang nanggagaling sa maliit na radyo.

Nakarating kami sa bahay. Pagbaba ko'y muli akong sumilip sa labas. At nang malamang hindi kami nasundan ay nakahinga na ako ng maluwag.

Kinuha ko ang ibang pinamili namin sa kotse at isinunod sa loob. Nasa loob na si sir dahil una na niyang kinuha ang mabigat na kahon na binili namin sa grocery. Pagpasok sa kusina'y nagtanong sa akin si sir.

"Akala ko ba natatae ka?" tanong nito.

"Ah... eh... okey na pala ako sir, biglang nawala." Nakangiti kong sabi. Napatango-tango ito pero mukhang naghihinala. "Ahm sige po, kukunin ko lang ang