Kabanata XV

Sa sasakyan ni Maximillian nakasakay sina Ali, Aleyna, at si Ruel. Sa sasakyan ng mga gwardya naman sumakay si Belinda. Nagpumilit pa siya kanina na sumakay sa sasakyan nina Maximillian ngunit dahil malaki siya at 4-seater lang ang kotse na dala ni Maximilian ay hindi siya kasya.

Tahimik lang sila sa loob ng sasakyan. Hindi maiwasan ni Ali na mamangha nang lumagpas na sila sa arko ng San Felipe na naghahati sa dalawang bahagi nito. Mula sa nakikita nilang mga tanawin ng mga bata’t matanda sa kalye, palengkeng puno ng mga tao, maliliit na simbahan na madaming nagtitinda sa harapan, at mga eskinitang puno ng basura. Nagbago ang kanilang nakikita. Malinis ang kalsada, malawak, nagtataasan ang mga gusali, at para bang nasa ibang lugar sila at hindi iyon San Felipe. Halos itutok na ni Ali ang mukha niya sa salamin ng binatana ng sasakyan upang makita ng mabuti ang tanawin sa labas.

“Ate, ang ganda naman dito!” Bulalas ni Ali. Maging si Aleyna ay manghang mangha doon nang una siyang maka