Kabanata XVII

“Mahina ka Aleyna, nagtatapang-tapangan ka lang para sa pamilya mo.” Ito ang salitang tumatak kay Aleyna sa lahat ng sinabi sa kanya ni Maximillian kaninag umaga.

Iniwan niya ang tahanan ni Maximillian upang magtungo sa pamilya niya na nasa kabilang subdivision lamang, inihatid siya ng mga tauhan ni Maximillian doon dahil na din sa habilin ng amo nila na bantayan ang kilos ni Aleyna.

Sa sandaling makababa si Aleyna sa sasakyan ay bumungad sa kanya si Belinda, magiliw itong sumasayaw sa harap ng tahanan habang nagpaptugtog ng isang malakas na musika sa loob ng tahanan. “Aleyna, anak ko!” Turan nito sa kanya na siyang nagpa-ikot ng mata ni Aleyna, “ano ho ang kailangan niyo?” Maamo sa araw na iyon si Belinda. Habang umiindayog siya sa musika ay nakangiti siya ng abot tainga kay Aleyna, “tinawag ka lang na anak, ang sungit mo naman!” Nasanay si Aleyna na hindi sa ganitong maayos na paraan siya kinakausap ng madrasta niya.

Hindi na sana papansinin pa ni Aleyna ang madrasta niya pero p