CHAPTER 04

CHAPTER 04: HUG

LYN'S POV

"Ihahatid mo ako sa loob?" tanong ko kay Khan nang bumaba siya para pagbuksan ako ng pinto pero kahit nakalabas na ako ay nanatili siya sa harap ko.

Mas lumawak ang ngiti niya. "Gusto mo? Tara!" Naglakad siya kaya sumabay na ako. Parang siya pa tuloy ang nakatira rito. Nagdire-diretso kasi siya. "Anong floor ka ba?"

"Penthouse," simpleng sagot ko at pumasok na nang bumukas ang elevator. Nagulat ako nang pumasok din siya at pinindot ang button para sa PH.

"Ang taas mo pala! 'Di ka takot kapag tumitingin ka sa ibaba?" manghang tanong niya dahil kaming dalawa lang ang nando'n.

Gumaan din ang pakiramdam ko na kasama ko siya dahil natatakot ako roon sa stalker ko. Siguro ay dapat ko na iyong ikwento kay Ate Lia para magpalagay ako ng dagdag na security?

"Hindi naman ako tumitingin sa baba," paliwanag ko at ngumiti. "Maganda 'yong langit. Lalo na kapag sunrise o sunset. Sobrang ganda rin din kapag gabi na tapos maraming stars!" mas sumaya ang boses ko.

"Cute mo!" puri na naman niya at napatagal ang usapan namin dahil mataas talaga ang Penthouse.

"Dyan lang ako," sagot ko at itinuro ang kwarto na malapit sa tapat ng elevator. "Thanks sa paghatid at ingat pauwi."

"Naman! Bye, Lyn!" Kumaway pa siya sa akin bago tuluyang sumarado ang elevator.

Pumasok na ako sa unit ko at nagbihis ng mas komportableng damit bago nagsimulang mag-prepare ng meryenda at kakainin ko para mamayang gabi. Hindi na ako masyadong nagmadali dahil weekend naman bukas.

"Hi, Mika!" Malaki ang ngiti ko nang sagutin ni Ate Lia ang tawag ko sa kanya sa social media account niya pero ang anak niya ang nakita ko sa screen.

"Ate Lia, masyadong malapit si Mika sa iPad! 'Yong eyes niya!" puna ko sa kapatid.

"Hayaan mo siya!" pagsusungit niya mula sa background kaya napanguso ako.

"Ang sama mo sa anak mo! Ibigay mo na lang kaya siya sa akin!" dahilan ko dahil kawawa naman si Mika kapag maagang lumabo ang mga mata dahil sa radiation.

"You want?! Go, sis, you can have her!" walang pag-aalinlangang sagot niya at humalakhak bago naging blurry ang video sa side niya at nakita ko na siya. Buti naman! "So, why did you call?" pagpalit niya ng usapan habang nag-aalis siya ng make up sa mukha. Kakatapos siguro ng trabaho.

"Miss ko na kayo! Marami akong kwento tungkol sa first week of school namin! Marami na akong bagong friends!" excited na sagot ko at hindi na isinali sa kwento iyong tungkol sa stalker ko. Mawawala kasi 'yong saya. Baka mag-alala siya sa akin. Mag-iingat na lang ako!

"Eatwell, baby."

Nalaglag ang panga ko habang ngumunguya ng niluto kong pasta for dinner. It was from that unknown number from my stalker again. Pero paano niya nalamang kumakain ako?! Bigla akong kinilabutan at napatingin sa buong unit. May CCTV ba rito?

Naputol ang pag-iisip ko nang may sumunod siya sinabi sa text message. "Don't be curious. Just eat."

Napa-inom ako ng tubig para kontrolin ang sarili at nanginginig na nagtipa ng reply. "Stop!" iyon ang tanging paki-usap ko at blinock na ang number niya.

Ibinaba ko iyon at tinitigan hanggang sa kumalma ang puso ko dahil hindi na siya muling nagparamdam. Buti naman!

Nag-shower ako bago humiga sa kama nang mag-alas diyes na ng gabi. Panay ang pagtunog ng phone ko dahil sa ingay ng group chat namin nila Scarlet, Zai, Khan, Rave at Love Joshua kaya nagbasa ako habang nagpapatuyo ng buhok.

MGA FUTURE ALIPIN PERO SA AIRPLANE

Yes. That's our group chat named by Khan.

Khan Alipin ni Lyn: Labas tayo bukas! 'Pag ayaw niyo date na lang kami ni @Lyn Inosenteng Alipin.

Scarlet Sexy Alipin: Asa ka @Khan Alipin ni Lyn! HAHAHA Ikaw talaga 'di namin isasama! Remove mo na nga sarili mo dito!

Zai Gorgeous Alipin: Go ako anytime and anywhere!

Rave Mahangin na Alipin: Nice, babe! Sama din ako syempre! Bar tayo? Tara @everyone, inom!

Khan Alipin ni Lyn: Bawal do'n si baby @Lyn Inosenteng Alipin ko. Pass! Sign na 'to para mag-date na lang kami.

Scarlet Sexy Alipin: @LJ Nonchalant Alipin, ano na, love? Galaw-galaw, oh!

Khan Alipin ni Lyn: Buti pa ako, present baby ko. Heart mo nga 'to @Lyn Inosenteng Alipin.

Nag-react ako ng laughing emoji sa mensaheng iyon ni Khan bago nag-reply. Gusto ko ring sumama para mas makilala ko sila.

Lyn Inosenteng Alipin: Sasama po ako! Pero hindi sa Bar. Bawal ako magpagabi, e :(

Khan Alipin ni Lyn: Awts, baby! Okay lang 'yan! Sasamahan kita kahit saan mo gusto :)

Napangiti ako kahit papaano at pinagpatuloy ang pakikipagkwentuhan sa kanila. Panay seen lang ako at hinayaan ko lang silang dumaldal. Ang pinakamaingay ay sina Scarlet at Khan. Game lang si Zai at puro wild naman ang topic ni Rave. Si Love Joshua, hindi nagse-seen. Busy siguro siya sa ibang bagay.

Napagkasunduan naming lumabas bukas para pumunta sa Mall para manood ng sine at mag-food trip. Triple date pa nga ang tinawag nina Scarlet do'n.

Alas onse na nang antukin na ako. Akmang ilo-logout ko na ang social media account nang may bagong notification na lumitaw.

Kael Nikolich sent you a friend request.

Dinelete ko iyon dahil hindi ko naman kilala. Gano'n lagi ang ginagawa ko. Kahit school mate ko ang ilan base sa unifrom nila sa profile picture ay iniignora ko lang dahil hindi ko naman sila ka-close.

"Ate Lia, lalabas kami mamaya ng mga friends ko," paalam ko sa kapatid nang tumawag siya sa akin kinaumagahan.

"To where? I can drop you off, dadaan ako r'yan mamaya," alok niya pa pero umiling ako.

"Mall lang, ate. Malapit lang dito. At saka..." nabitin ang sasabihin ko dahil sa hiya. "Susunduin ako no'ng friend ko, si Khan."

"Khan who?! A guy?" tumaas ang boses niya.

Lumobo ang labi ko. "Opo," pag-amin ko dahil gusto ko ring makilala si Khan. Siya ang pinaka-close ko na guy sa circle of friends namin.

"You sure you're just friends?!" nahimigan ko ang panunukso sa boses niya. Para namang hindi pwedeng maging magkaibigan ang babae at lalake.

"Opo, ate. Sobrang bait nga niya, e. He picks and drive me back to my condo yesterday," dagdag ko.

Uminit ang pisngi ko nang tumili siya. "Really?! That friend you're pertaining who did that is a guy?! Lyn! He likes you for sure!"

Hala! Masyado naman nang assuming si Ate Lia! Dinaig pa ako.

"Hindi po. Friends lang kami," pagpapakalma ko sa kanya.

"Ipakilala mo sa akin! I will judge if what flag is he representing to!" utos niya kaya kumunot ang noo ko.

"Flag?" nalilitong tanong ko at napatingin sa orasan. Ilang minuto na lang bago ako sunduin ni Khan.

"Yup! Green o red. Pwede ring black like—" nabitin ang sasabihin niya kaya mas lalong kumunot ang noo ko.

"Ate? Hello?" Tinignan ko ang phone. On-going pa rin ang call.

"Hello, Lyn?" tanong niya pabalik. Nawalan siguro ng signal.

"Anyway, may napapansin ka bang kakaiba, Lyn?" mas naging wirdo ang mga sinasabi niya.

Bigla tuloy akong natakot dahil mag-isa lang ako sa unit ngayon. "Wala naman, ate. Bakit?"

"Nothing, just curious on how your living alone journey is going!" pakantang sagot niya.

Napatango ako dahil hindi na masyadong seryoso ang boses niya. Bakit niya tinatanong kung may napapansin akong kakaiba rito? Could it be she knew about my stalker? Paano naman niya nalaman kung gano'n nga?!

"Ate Lia, may sasabihin ako," panimula ko para umamin na sana pero nakita ko ang notification ng message ni Khan sa social media account ko.

Khan: lyn, i'm here na po!

May kasama pa iyong emoji na nakangiti habang nagba-blush kaya napangiti ako.

"Mamaya na lang, ate. Nasa baba na si Khan," paalam ko sa kanya para i-check ang buong unit kung may nakalimutan akong patayin na electricity.

"Okay, enjoy!" paalam niya at pinakaway pa si Mika sa camera. Mas lalo tuloy lumawak ang ngiti ko.

"Bye Mika!" Kumaway ako sa anak ni Ate Lia at humagikgik nang batiin niya ako pabalik. Ang cute niya talaga!

Pinindot ko na ang end call button at inayos ang sarili bago lumabas ng apartment. Pero pagkabukas ko ng pinto ay napaatras ako nang may lalakeng naka-itim at nakasuot ng cap na humigit sa akin papasok mula sa unit.

Bumilis ang tibok ng puso ko at napasandal sa dibdib niyang mabilis din ang kabog nang yakapin niya ako.

Natulala ako dahil hindi ako makapaniwala sa nangyayari. "S-sino ka?" nanginginig ang boses ko.

Pero imbes na sumagot ay humigpit ang yakap niya sa akin kaya napapikit ako at nalanghap ang pamilyar na panlalakeng amoy niya.

"Please? Natatakot ako..." bulong ko habang naiiyak na dahil sa sobrang kaba. Kumikirot ang dibdib ko dahil sa takot.

"Shhh, I won't hurt you," marahang bulong niya at hinaplos pa ang tuktok ng ulo ko para pagtahanin ako.

And to my surprise, my heart calms because of his sweet deep voice and gentle touch.