CHAPTER 45

CHAPTER 45: STRANGE

LYN'S POV

Start na ng exam namin sa Wednesday kaya doon ko na lang isinubsob ang sarili ko imbes na mag-isip ng kung anu-ano. Nang sumunod na araw ay maaga akong nagpahatid sa School namin para mag-review sa Library. Ayaw ko kasi sa bahay. Malungkot dahil wala si Kael.

Dala ko ang bag ni Anastacia dahil baka pumasok na siya ngayon. Ang kaso, wala pa ring reply ang dalawa sa mga text message ko sa kanila kahapon.

"Bahala na," bulong ko at bumuntong hininga bago ibinalik ang tingin sa librong binabasa.

Wala akong mapagsabihan dahil si Anastacia lang ang naging kaibigan ko rito. Si Kael din, sa kanya lang ako madalas na magkwento dahil siya ang palagi kong kasama sa bahay.

Mapait akong napangiti nang may mapagtanto. Parehas ko silang hindi pa gaano'n katagal na nakakilala pero sila ang mas pinagkakatiwalaan ko kaysa sa sarili kong pamilya. Pero ngayon... ewan ko na lang. May sarili rin naman silang buhay. Sa iba rin umiikot ang mundo nila. Masyado akong naging depend