CHAPTER 05

CHAPTER 05: GREY EYES

LYN'S POV

"Okay ka lang?"

Mabilis akong tumango at kinontrol ang paghinga kahit pakiramdam ko ay nanghihina pa rin ako dahil sa ginawang pagyakap no'ng misteryosong lalake kanina. After he hugs me for a minute, he left without saying anything. Katawan niya lang na balot na balot ang nakita ko, hindi ang mukha niya.

Halo-halo ang nararamdaman ko ngayon. Takot, kaba, panghihina at kirot sa dibdib. His hug is warm and tight. Parang ang tagal niyang hinintay na makayakap ako ulit.

And the way he breaths while hugging me? Parang pagod na pagod siya at kinailangan niya lang ng yakap para bumalik ulit ang lakas niya. Weird pero iyon ang nararamdaman ko noong yakap niya ako. May parte sa aking naawa sa kanya.

"Oo," maikling sagot ko kay Khan at ngumiti para hindi na siya mag-alala.

Laman pa rin ng isip ko iyong lalake kanina. Gusto ko siyang makilala. Gusto kong malaman kung bakit niya ako nilalapitan, sinusundan, niyakap at hinalikan.

"Lyn!" Kaagad akong niyakap ni Scarlet nang makita ako. Itinaas niya pa ang kamay ko at inikot ako. "Ang pretty mo! Para kang korean!" puri niya at nagni-ningning ang mga matang sinuri ang suot at ayos ko.

Isang set ng autumn pink tube mini dress ang suot ko na pinatungan ng crop top at fitted blazer. Kinulot ko rin ang dulo ng mahabang buhok ko at may light make up kaya siguro nagustuhan niya ang ayos ko. Pinaghandaan ko kasi ito! Siya naman ay efforrless ang ganda. Kahit casual na black na rib knit tank top at denim shorts ang suot niya ay bagay na bagay dahil sexy talaga siya! Nakapusod din ang buhok niya at sobrang linis ng pagkakagawa pati na ang make-up niya.

"Thank you! Ang ganda mo rin tapos ang sexy mo pa," sinserong sambit ko at niyakap ang braso niya. "Baka lamigin ka sa sine mamaya?" nag-aalalang tanong ko.

"Kaya nga! Hihiram ako kay Love o kaya, yayakapin ko na lang siya!" halata ang pagbibiro sa boses niya at humalakhak pa bago kami niyaya na sa loob na maghintay.

Naroon na sina Rave at Zai nang magkita kami. Si Love Joshua na lang talaga. Ewan ko kung pupunta ang isang 'yon dahil hindi naman nag-confirm o nag-decline sa GC namin. Nag-seen lang siya kaya kampante si Scarlet na alam niyang may lakad kami ngayon.

"R18! Pass kami ni Lyn!" kaagad na tanggi ni Khan nang mag-suggest si Rave ng papanoorin namin.

"Sige, do'n kayo sa pangbata!" pagtataboy niya sa amin at humalakhak. "Saan ka, Scar?"

"Romance para magka-idea si Love na lumandi sa akin!" umaasang sagot ni Scarlet.

Natawa rin ako at tinignan ang mga pagpipilian. Hinarap ko ang katabi at ngumiti. "Sa Romance na lang din tayo? Rom-Com din 'yon, oh! Feel ko maganda. Para light lang," pagki-kwento ko kay Khan.

"Gusto mo ng gano'n?" Mas lumawak ang ngiti niya at muling tinignan ang mga kaibigan namin. "Romance din kami ng baby ko! Kayo na lang dalawa sa R18 na 'yan!"

"Okay, romance it is!" anunsyo ni Zai at napatingin kay Rave nang akbayan siya nito.

"Nasaan na ba partner mo? Fifth wheel ka na lang sa amin?" tukso ni Rave kay Scarlet.

Napanguso tuloy siya. "Baka busy talaga si Love! So, tara na!" sumigla ang boses niya at nauna nang naglakad para bumili ng ticket at pagkain namin. Popcorn at softdrinks.

"Ako na magdadala," ani Khan nang makabili siya ng dalawa, para sa amin siguro.

Akmang susunod na ako sa kanya nang may maramdamang nahulog na gamit sa likuran ko. Tumama iyon sa sapatos ko. Kaagad kong tinulungan ang lalake at ako na ang kumuha ng itim na wallet niya.

Nang mai-abot iyon ay kaagad na akong tumalikod para sumunod na kay Khan.

"Thanks," sagot ng lalake sa pamilyar na malalim na boses dahilan para mapatigil ako.

Akmang lilingunin ko siya ulit nang tawagin ako ni Khan. "Lyn, let's go! Naunahan na tayo nina Rave!" parang batang reklamo niya.Nag-uunahan pa talaga sila kung saan uupo!

"Okay..." sagot ko at hindi na nilingon ulit iyong lalake. Matangkad siya, parang iyong lalakeng humalik at yumakap sa akin ng walang pahintulot. Hindi ko lang naamoy ang pabango niya dahil nangingibabaw iyong nakakagutom na amoy ng popcorn sa pwesto namin kanina.

Ipiniling ko ang ulo para alisin siya sa isip ko nang makitang nakatitig na naman sa akin si Khan. "Okay lang ako!" inunahan ko na siya sa pagtatanong.

"Para kang lutang, Lyn? Hindi ka ba nakatulog ng maayos kagabi kasi iniisip mo ko?" mapang-asar na tanong niya at humalakhak nang ngumuso ako.

Maraming tao sa loob nang makapasok kami kaya nag-unahan talaga sina Rave at Khan sa bandang likuran. "Lyn, dito ka po!" tawag sa akin ni Khan at inayos iyong uupuan ko.

Dahil ako ang nahuling nakaupo ay wala akong katabi. Si Scarlet ang nasa pinakadulo. Katabi niya si Zai, si Rave, si Khan at ako.

Kaagad na kumuha ng popcorn si Khan nang magsimula na ang panood. Kumuha rin ako ng matapos siya at akmang kakain na nang lumapit siya sa akin. "Subuan po kita?" tanong niya sa malambing na boses.

"Meron na ako, e!" sagot ko at kinain iyong kinuha ko mismo. "Sa 'yo na 'yan," dagdag ko.

Humalakhak muna siya bago nanahimik dahil nagseryoso na yata siya sa pinapanood. Doon ko na rin itinuon ang atensyon ko nang may lalakeng tumabi sa akin. May isa pa kasing bakante bago iyong susunod na katabi niya.

Napatingin ako sa kanya at sa dilim na tanging iyong malaking screen na nasa harap lang ang nakikita ay naabutan ko siyang nakatingin sa akin.

Napaawang ang labi ko at kaagad na nag-iwas ng tingin dahil nanuyo agad ang lalamunan ko sa itsura niya. He looks like a foreigner kaya hindi pangkarinawan ang magandang musculine features ng mukha niya. Makapal pa ang buhok kaya mas lumakas ang appeal niya.

Eh? Bakit ko naman pinupuri ang katabi ko? Nandyan naman na si Khan! Dapat si Scarlet dito, e! Mahilig pa naman 'yon sa gwapo. Pati kasi si Sir Kyrous, crush niya!

Muli akong napatingin sa katabi ko nang makitang may umilaw sa pwesto niya mula sa peripheral vision ko. Kaagad iyong nawala nang ibaba niya ang phone niya at mabilis na tumayo. Ang kaso, biglang natapon iyong drinks niyang nakapatong pa mismo sa tabi ko.

"Fuck!" matalim na mura niya at hinawakan iyon sabay hinila ako patayo gamit ang isang kamay niya.

Narinig ko ang reklamo ng mga nasa likuran namin kaya itinulak ko siya. Matangkad kasi siya. "Okay lang," paninigurado ko at dinala ang bag para para umalis muna.

Nabasa kasi ang parteng hita ko ko. Ramdam ko ang lagkit doon pero wala naman yata sa dress ko. Halatang nagmamadali kasi siya kaya hindi niya napansin iyong drinks sa upuan niya.

Naramdaman kong sumunod sa akin iyong lalake.

"Lyn, okay ka lang?" si Khan kaya napatingin ako sa kanya. Sobrang dilim sa hallway kaya hindi ko siya halos makita.

"Okay lang," sagot ko at nagpatuloy sa paglabas hanggang sa makarating ako sa malapit na comfort room.

Pinunasan ko ng wet wipes ang hita ko at inayos ang laylayan ng dress para tignan kung may basa ba. Light color lang kasi iyon. Nang masiguradong walang rumi ay naghugas na ako ng kamay.

"I'm sorry," iyon ang bungad no'ng lalake. Napaawang ang labi ko dahil pamilyar ang boses niya. Pinakatitigan ko ang mukha niya pero mabilis siyang nag-iwas ng tingin.

Hindi ko maalis ang tingin sa kanya dahil sa pagkamangha sa mukha niya lalo na ay maliwanag na rito. His jawline is so define. Iyon ang una kong napansin. Medyo makapal ang kilay at mahaba ang pilik mata, inaantok ang mga mata, matangos na ilong at labing mas makapal ang pang-ibabang labi.

Nakasuot siya ng black hoodie. Kitang-kita ang adams apple niya at ang tattoo sa leeg niya. Wow! He looks so hot!

"It's okay po," marahang sagot ko at muli siyang tinitigan. Ang ganda ng mga kulay abong mata niya. May naalala tuloy ako! Parang kakulay iyon ng kay Mika, iyong anak ni Ate Lia.

"Lyn, okay ka na?" Napabaling ako kay Khan nang magtanong siya. Mabilis siyang nakalapit sa akin. "Balik na tayo sa loob," anyaya niya.

"Okay. Thank you sa pagsama sa akin," sinserong dagdag ko at sumabay na sa kanya.

Pero hindi pa kami nakakalayo nang marinig ko ulit 'yong pamilyar na boses ng lalake. Marami namang magkakapareho o hawig ng boses sa mundo pero 'yong stalker ko talaga ang naalala ko roon.

"Miss!"

Nilingon ko ito. Akala ko may sasabihin siya dahil bumuka ang labi niya pero ngumiti lang siya.

Kusang umangat ang gilid ng labi ko at yumuko ng kaunti para senyasan siyang magpaalam na.

Akala ko, iyon na ang huli naming pagkikita. Pero hindi pala.