CHAPTER 52: FOR V

“Venom, alam mo ba ang favorite food ni Vincent?” tanong ko kay Venom habang nasa loob kami ng limousine papunta sa supermarket dahil napagdesisyunan kong ipagluto ng dinner si Vincent.

“Noong mga bata pa sila, gustung-gusto niya na ang bruschetta.”

Tumingin ako sa kanya. “Bruschetta?”

“Oo. Isang Italian cuisine.”

“Talaga? Hindi ko alam iyon. Ngayon ko lang din narinig iyon. Pero since iyon ang favorite ni Vincent, i-ta-try kong gawin.”

Tumango lamang si Venom saka ngumiti sa akin. “Tama ka, Miss Sophie. Natutuwa ako at okay na rin kayo ni Boss. Noong kasing huli, nag-aaway pa kayong dalawa kaya natakot ako at iniwan ko na lamang kayo sa loob ng kuwarto mo.”

Kaagad na nag-init ang magkabila kong pisngi dahil sa sinabi niya. “O-Oo. Okay na kami ngayon.”

Hindi ko rin nakita si Vincent kaninang umaga. Sinabi na lamang sa akin ni Venom na maaga siyang umalis papunta sa trabaho pero uuwi rin siya mamayang hapon. Hindi ko na siya natitiyempuhan na makausap matapos nang may mangyari sa pagit