CHAPTER 55: IGNORING VINCENT

“Ugh, namamaga ang mga mata ko! Makakapunta ba ako sa university nang ganito?” bulong ko habang nakatingin sa repleksiyon ko sa salamin sa loob ng kuwarto ko.

Ito ang nakuha ko sa kaiiyak kagabi dahil lang sa mga sinabi sa akin ni Vincent. Hindi ko nga alam kung kaya ko siyang tingnan sa mga mata matapos niyon.

“Miss Sophie, nakaalis na si Boss,” sabi sa akin ni Venom na kakapasok lamang sa kuwarto ko.

Nakangiti akong tumango sa kanya. “Salamat. Puwede na tayong magpunta sa university.”

“Oo.”

Sinabi ko kay Venom na sabihin sa akin kapag nakaalis na si Vincent. Ayaw kong makita ang mukha niya dahil maalala ko lamang ang sinabi niya sa akin kagabi tapos iiyak na naman ako. Plano ko nga ring umuwi nang maaga mamaya para kapag dumating si Vincent ay tulog na rin ako.

“Napaka-playboy naman ng asawa mo. Nakipag-sex siya sa ’yo noong isang linggo lang tapos ngayon sinabihan ka niyang layuan ang ex niya? So, anong ibig sabihin niyon? Na puwede niyang sabihin ’sa ’yo ang lahat ng gusto niya, p