CHAPTER 13

AMBER RIZALYN JOY....

Naging maayos naman ang kan'yang buhay kasama ang kaibigan at ang nanay nito.

Mahirap pero mas mabuti na kaysa noong nagpalaboy-laboy pa s'ya sa kalye. Tumutulong s'ya kay nanay Teresita sa pagluluto araw-araw at sa pagtitinda na din ng mga niluluto nitong ulam.

Sumasama din s'ya sa paglalako nito kahit pa sinabi nito na huwag na s'yang sumama ngunit hindi s'ya nagpaawat rito.

Kahit sa ganitong bagay man lang ay makatulong s'ya sa kabutihan ng mag-ina sa kan'ya.

"Oh Amber huwag kang masyadong magpapagod," saway sa kan'ya ni nanay Teresita. Pinunasan n'ya ang pawis sa kan'yang noo at nginitian ito.

"Ok lang po ako nay, huwag po kayong mag-alala sa akin," nakangiting sagot n'ya rito. Mainit na ang sikat ng araw at masakit na sa balat. Alam n'yang sa mga oras na ito ay pulang-pula na ang kan'yang pisngi ngunit masaya s'ya sa ginagawa at hindi alintana ang init.

Dati hindi s'ya lumalabas ng bahay kapag ganito kainit at palaging may baon na sunscreen ngunit ngayon ay