CHAPTER 15

AMBER RIZALYN JOY...

"Ahhhhhh!" malakas na sigaw n'ya ng biglang sumigid ang sakit sa kan'yang t'yan. Nasa kusina s'ya at kasalukuyang naghuhugas ng pinggan.

Napahawak s'ya sa gilid ng lababo dahil sa sobrang sakit at maya-maya pa ay naramdaman n'ya ang pagkabasa ng kan'yang mga binti.

"N-Nay," nasasaktang tawag n'ya kay nanay Teresita.

"Amber an—, Dyos ko Amber manganganak ka na ," natatarantang sigaw nito ng makita ang likido na dumaloy sa kan'yang binti.

"Nay tulong! Ang sakit!" umiiyak na paghingi n'ya ng tulong dito. Mabilis naman itong tumakbo sa labas at nagtawag ng tulong sa kanilang mga kapitbahay.

Maya-maya pa ay humahangos na nagsipasokan ang mga kalalakihan at walang pag-alinlangan na binuhat s'ya at isinakay sa nakaabang na tricycle sa labas.

"Teresita ang bag na may mga gamit ng bata huwag mong kalimutan," narinig n'yang sabi ni Aling Myrna sa nanay Teresita n'ya sabay abot ng bag. Agad naman itong kinuha ni nanay Teresita at dali-daling sumakay ng Tricycle na maghahatid