CHAPTER 17

AMBER RIZALYN JOY...

Umuwi sila ni nanay Teresita na sobrang daming bitbit. Pinaiwan pa sila saglit ng dalawang matanda dahil nagpabili pa ito ng sangkatutak na nga gamit at mga gatas ni Joshua.

Natatakot s'ya ngunit may parte ng kan'yang puso na natuwa dahil ang daming ibinigay ng mga ito para sa kan'yang anak.

Wala naman s'yang nagawa kundi ang tanggapin ang mga ito. May pera pa na ibinigay si senyora Haidee na ibinalik n'ya dahil sobra-sobra na ang tulong na ibinigay nito sa kanila ngunit iginiit ito ng ginang at sa ikalawang pagkakataon ay wala na naman s'yang nagawa kundi ang tanggapin ito at itago ang pera.

Nang makarating sila sa bahay ay inilagay n'ya muna si Joshua sa kumot na ginawang duyan dahil natutulog ito at ayaw n'yang magising ang anak kapag sa papag n'ya ito inilapag. Inayos n'ya ang mga pinamigay na mga gamit ng dalawang matanda. Sobrang dami ng mga ito na halos mapuno ang maliit na silid na gamit nila ng anak.

Kinuha n'ya ang sobre na ibinigay kanina ni senyora Hai