CHAPTER 23

HOWALD JACOB (HJ)...

"You are beautiful," paanas na sabi n'ya sabay haplos ng pisngi ni Amber na ikinapikit ng mga mata nito ngunit may butil ng luha na naglandas sa pisngi.

Pinahid n'ya iyon at inilapit ang mukha sa mukha ni Amber na nakapikit. Akmang ilalapat n'ya na ang labi sa mga labi ng dalaga ng makarinig sila ng boses na papasok sa kusina at tinatawag ang pangalan na Rizalyn.

"Rizalyn nand'yan ka ba?" boses ng babae na alam n'ya na pagmamay-ari ni Cassandra.

Nagising naman ang diwa ni Amber at agad na napamulat. Nagulat pa ito ng makitang sobrang lapit ng mukha n'ya rito. Agad itong lumayo sa kan'ya at humarap sa lababo.

S'ya namang pagpasok ni Cassy sa kusina. Nagpalipat-lipat pa ito ng tingin sa kanilang dalawa ni Amber.

"Nandito ka pala Howald?" tanong nito. Cassy is also his childhood friend. Magkababata silang dalawa ngunit dahil sa Britain na ang mga ito nakatira ay madalang na silang magkita simula noong grade five sila hanggang ngayon.

Pinsan ito ni Drake ngunit nagp