ATTORNEY'S DESIRABLE CONTRACT C22

REESE DOMINIQUE...

Nagising s'ya na hindi maigalaw ang kan'yang katawan. Napangiwi din s'ya ng maramdaman ang pagsigid ng sakit sa kan'yang buong katawan.

Nangunot ang kan'yang noo at pilit na inaalala kung bakit nananakit ang buong katawan n'ya. Ilang segundo pa muna ang lumipas ng unti-unting bumalik sa kan'ya ang nangyaring engkwentro sa mga sindikato at sa kanilang dalawa ni Ella.

Sa isiping iyon ay dahan-dahan n'yang iminulat ang mga mata at bumungad sa kan'ya ang purong puti na kwarto. Nagsalubong ang kan'yang kilay at pilit na inaalala kung nasaan s'ya ngunit ng makita ang mga swero na nakakabit sa kan'yang kamay ay napagtanto n'ya na nasa hospital s'ya at nakaratay sa kama.

"How do you feel?" natigil s'ya ng marinig ang boses ng asawa. Nilingon n'ya ang pinanggalingan ng boses nito at nakita n'ya itong nakaupo sa gilid ng kama sa kabilang bahagi at mariing nakatingin sa kan'ya.

Sari-saring emosyon ang nakikita n'ya sa mga mata ni Creed ngunit mas banaag ang galit sa mga mata ni