Share

Chapter 1

Author: Rawra1441
last update Last Updated: 2025-03-26 15:36:12

NALAGLAG siya sa kama, una ang mukha. Doon na naputol ang panaginip niya. Sayang mahahalikan na sana niya si Tristan kaso nalalag naman siya sa higaan. Buwisit talaga!

Sa panaginip niya na nga lang nakakalampungan si Tristan bitin pa.

Inis na hinimas niya na lang ang mukhang nasaktan. Kasabay naman niyon ang malakas na pagkatok sa pintuan niya.

"Amelie! Amelie, gumising ka na. Nag-text na ang mama mo, papunta na raw!" sigaw ni Manang Josie sa labas ng pintuan ng kuwarto niya.

Napaungol na lang siya. Gusto niya pa namang balikan ang pagtulog baka sakaling madugtungan pa ang panaginip niya.

"Amelie!" muling sigaw ng matandang katulong.

"Oo na ho! Gising na 'ko!" sigaw niya rin pabalik, hindi rin naman kasi ito titigil sa kasisigaw sa labas ng kuwarto niya hangga't hindi nito nasisiguro na gising na siya.

"Bilisan mo na!" ani pa nito.

"Oho!" sagot niya para lang tigilan na siya ni Manang Josie saka kakamot-kamot na tumayo na. Nag-inat muna siya ng katawan bago tinungo ang banyo.

Mabilis siyang naligo at nagbihis. Pinatutuyo na niya sa blower ang kaniyang buhok nang pumasok ang kapatid niya sa kuwarto.

"'Andiyan na si Tita, Amelie, bilisan mo raw," anito.

"Oo saglit na lang 'to!" aniya. Hindi kasi niya puwedeng hayaang basa pa ang buhok niya bago siya umalis ng bahay. Buhaghag kasi ang buhok niya unlike Sunny—na kapatid niya sa ama—kapag hindi iyon natuyo at nalagyan ng baby oil magtitikwasan na parang mga alambre ang kaniyang buhok. Buti pa si Sunny, namana ang buhok ng daddy nila. Bagsak at straight. Kahit kagigising pa lang nito, ang ganda-ganda pa rin ng buhok nito.

"Bakit kasi hindi ka magpa-rebond?" tanong nito sa kaniya na pinanonood siya sa ginagawa.

"Sa bakasyon. Ayaw akong bigyan ni Daddy ng pera kaya nag-iipon pa ako," sagot niya.

Hindi naman sila mahirap. Mayaman sila. Hindi rin naman kuripot ang daddy niya pagdating sa kanilang magkapatid, ang kaso sumang-ayon ang mommy niya na ipa-rebond siya tutal daw fifteen na siya. Kagaya ng inaasahan kumontra ang daddy niya.

Napabuntonghininga na lang siya. Feeling niya ang mommy niya talaga ang may ayaw na magpa-rebond siya kaya ito sumang-ayon para naman tutulan ng daddy niya. Dito niya kasi namana ang buhok niya. At in fairness sa mommy niya, bagay rito ang buhok nito.

Dahil pinanganak siyang maganda! Himutok niya. Maganda ang mommy niya. Maliit ang hugis puso nitong mukha at pinagkasya roon ang manipis na labi, matangos na ilong, at hugis almond na mga mata na binagayan pa ng mahabang pilikmata at natural na nakaarkong mga kilay.

Samantalang siya, kabaliktaran ng mommy niya. Nakuha niya ang mga mata ng mommy niya samantalang ang ilong at bibig niya ay sa daddy niya. At katulad ng mga ito, hindi magkakasundo ang mga parte ng mukha niya kaya labas siya sa kategorya ng mga magaganda.

"Badtrip!" angal niya at nagmamadaling itinali ang buhok nang marinig ang pagbusina ng mommy niya.

Natawa sa kaniya si Sunny, pero hindi niya na ito pinansin. Lalo lang siyang maba-badtrip kapag nakita niya ito na kahit hindi mag-effort kagaya niya ay maganda pa rin.

Dinampot niya na ang bag at mabilis na tumakbo paibaba. Nakasalubong niya pa ang stepmother niya.

"Dahan-dahan!" saway nito.

"Sorry, Tita!" hinging paumanhin niya at patuloy sa pagbaba.

"Dumaan ka sa kusina, 'andon ang daddy mo. May sandwich din don!" anito at nagpatuloy nang umakyat sa itaas.

Dumaan naman siya sa dining. 'Andon nga ang daddy niya, nagbabasa ng diyaryo habang nagkakape.

Humalik siya sa pisngi nito at kumuha ng sandwich sa lamesa.

"Morning, princess," anito.

"Morning, Daddy!" balik na bati niya rito. Medyo napangiwi dahil nakalimutan niya itong batiin.

"'Andiyan na ang mommy mo," nakaingos na ani ng daddy niya. Parang laging nakaaamoy ng mabaho ang daddy niya kapag nasa paligid lang ang mommy niya.

"Opo. Alis na ko, Dad!" sigaw niya at nagtuloy-tuloy na sa labas.

Inip na ang mommy niya nang pumasok siya sa loob ng kotse. Sabado ngayon kaya naman doon siya maglalagi sa condo ng mommy niya.

"Bakit ba ang tagal mo?"

"Maaga ka lang, 'My!" aniya at dumukwang dito para humalik sa pisngi nito.

"Oh my God, Amelie! Ang lagkit ng bibig mo!" reklamo nito. Nanlalaki pa ang mga mata na parang akala mo pinahiran niya ito ng tae.

Napahagikgik lang siya.

Kumuha naman ng wipes ang mommy niya sa bag nito at agad na pinunasan ang pisngi nito bago tuluyang nag-drive. Papunta sila ngayon sa bahay ng lola niya—ang mommy ng mommy niya. Doon siya naglalagi tuwing Saturday at Sunday. At ibig sabihin lang n'yon ay makikita niya na naman si Tristan. Kaharap lang bahay ng lola niya ang bahay nina Tristan at malaya siya roong nakalalabas-masok dahil sa mommy nito na tuwang-tuwa sa kaniya.

______________

SAMPUNG minuto lang ay nasa tapat na sila ng bahay ng lola niya. Hindi pa man nakahihinto ang mommy niya ay nagtanggal na siya ng seatbelt. Nang makahinto ito ay nagmamadali na siyang bumaba bitbit ang backpack niya at tumakbo papasok ng bahay, hindi niya pinansin ang mommy niya na galit na galit na sinisigawan siya dahil sa ginawa niya.

"Lola!" malakas na tawag niya sa lola niya pagkapasok na pagkapasok pa lang sa pintuan.

Lumabas naman ito mula sa kusina na may hawak pang sandok.

"Oh, tinanghali 'ata kayo?" tanong nito na nakangiti sa kaniya.

Lumapit naman siya rito, nagmano at saka humalik sa pisngi nito.

"Paano tinanghali na naman ng gising 'yang apo niyo!" ani ng mommy niya. Lumapit din sa lola niya at nagmano. "Aalis na ho ako, Nay. Hinihintay na ako ni George," anito na ang tinukoy ang bagong asawa nito.

"Hindi ka man lang ba muna kakain dito?" tanong ng lola niya sa mommy niya. "Darating na rin ang tatay mo, bakit 'di mo pa hintayin?"

"Eh, may usapan nga ho kami ni George. Dito na lang kami maghahapunan," pangako nito sa lola niya at saka humalik na ulit bago siya binalingan ng tingin. "Huwag matigas ang ulo mo rito ha? Huwag ka ring gala nang gala," bilin nito sa kaniya na mabilis niyang tinanguhan.

Hindi naman siya pala-gala, e. Doon nga lang siya sa tapat tumatambay.

"'La, doon lang ako sa kabila." Bumaling siya sa lola niya nang umalis na ang mommy niya, sinilip niya pa ito sa bintana para masiguro na wala na ito.

"Magbihis ka na muna bago ka mangapitbahay," ani naman ng lola niya at bumalik na sa kusina.

Nagtanggal lang siya ng sapatos at nagpalit ng tsinelas saka nagmamadaling lumabas ng bahay ng lola niya.

Tumawid siya at nagtungo sa tapat nila. Sa bahay nina Tristan. Heto na naman ang puso niya, ang bilis na naman ng kabog habang palapit sa gate ng mga ito.

Nakita niya si Melba, ang katulong nila Tristan. Agad na binati niya ito.

"Hi, Ate Melba!"

"Oh, Amelie, tinanghali 'ata pag-akyat mo ng ligaw ngayon?" tanong nito sa kaniya na ikinahagikgik niya. Alam kasi nito ang pagkakaroon niya ng crush kay Tristan at pasimple pa itong tumutulong sa kaniya para lagi niyang maabutan si Tristan sa bahay ng mga ito.

"'Andiyan si Tita?" tanong niya rito.

"Si Ate lang?" tukso nito sa kaniya na nakangisi.

"Ang cute mo," aniya rito na ikinatawa nito. "Siyempre kasama na ro'n si future ko," aniya at ngumisi rin dito.

"Hantaray! Ang tanong, bet ka bang maging future ng alaga ko?" Pinamaywangan siya nito, hawak ang walis tingting nito sa isang kamay.

Irap naman ang isinagot niya rito. Alam din kasi nito na malabo siyang magustuhan ni Tristan. Ang dami kayang nagkakagusto kay Tristan, halos lahat 'ata ng ka-batch nila ay may gusto rito.

"Pasok na nga ako, Ate Melba!" aniya at nagkusa nang buksan ang maliit na gate saka pumasok sa loob.

Malakas na tawa naman ang isinagot sa kaniya ni Ate Melba.

Bungalow ang bahay nina Tristan, pero isa sa pinakamalaking bahay rito sa lugar nila. May swimming pool pa sa gilid at may garden sa likod.

Isang engineer kasi ang daddy ni Tristan habang plain housewife naman ang mommy nito.

"Oh, nandito ka na naman?" ani Travis, ang kuya ni Tristan. Nakasuot ito ng jersey at short.

Lumabi siya at sinubukang magpa-cute.

"Oo, kuya, nandito na naman ako," aniya at may papikit-pikit pa.

Ang lakas naman ng tawa nito at ginulo ang buhok niya.

"Funny ka," halatang aliw na aliw naman na anito. "Nasa swimming pool 'yong crush mo. Go na, bosohan mo na!" bulong nito sa kaniya na may pilyong ngiti sa mga labi.

Agad namang nag-init ang pisngi niya.

"Bosohan ka riyan!" kunwa'y inis na aniya rito, pero sa totoo lang ay nangangati na ang mga paa niyang puntahan ang swimming pool. "Si Tita ang ipinunta ko rito."

"Sus, kunwari ka pa!" tatawa-tawang anito at nilagpasan na siya.

"Pang-asar talaga 'yon!" nakasimangot na aniya at dumiretso na sa kusina ng bahay. Feel at home na feel at home siya roong nagtungo.

Continue to read this book for free
Scan code to download App

Related chapters

  • MY CHEATING HEART   Chapter 2

    "HI, Tita!" bati niya sa mommy ni Tristan na nakaupo sa dining table. Nakasuot ito ng pink pastel na dress at may pulang apron. Nakapusod ang buhok nito at may ilang hibla ang nakakalat sa batok nito.Hindi niya maiwasang mamahangha kay Tita Bianca. Mukha siyang anghel, napakaamo ng mukha niya, ganoon din ang tinig niya.Minsan nahihiling niya na sana siya na lang ang mommy niya."Hello, Amelie!" Nakangiting nilingon siya nito habang abala pa rin sa ginagawa.Lumapit siya sa tabi nito at nakiusyoso sa ginagawa."Ano 'yan, Tita?" curious na tanong niya. May mga hiniwang saging na saba, kamoteng ube, at kamoteng kahoy. Mayroon ding isang tasang sago. Sa harap naman nito ay giniling na malagkit na bigas. Pumipiraso ito at binibilog saka inilalagay sa bandehado."Bilo-bilo?!" nanlalaki ang mga matang tanong niya, bigla siyang na-excite."Ginataang bilo-bilo," nakangiting sagot nito."Puwede po akong tumulong?" Nag-puppy eyes pa siya rito. Nakangiti naman itong tumango."Wash your hand fir

    Last Updated : 2025-03-26
  • MY CHEATING HEART   Chapter 3

    "OKAY ka na ba talaga, Amelie?"Nakasunod sa akin si Sunny, pero hindi ko siya pinapansin. Kanina pa siya tanong nang tanong kung ayos lang ako."Oo, ayos lang ako. Puwede ba, Sunny? Umuwi ka na nga!" Binuksan niya ang pinto ng bahay ng lola niya na hindi nililingon si Sunny."I-I'm sorry—""Tss! Umuwi ka na, puwede?" Inis niyang hinarap si Sunny dahil napipikon na siya.Bakit ba kinukulit siya nito at hindi na lang umuwi? Sinabi na nga niyang okay na siya, nangungulit pa rin.Napayuko si Sunny dahil sa pagsinghal niya. Bigla naman siyang nakonsensiya dahil sa nagawa, pero pinigil niya ang sarili na lapitan ito at aluin. Naiinis kasi siya. Naiinis siya na nakikita itong nagiging malapit kay Tristan. Nakararamdam siya ng takot. Maganda si Sunny, 'di hamak na mas maganda sa kaniya at nakikita niyang nakikita iyon ni Tristan.Kinagat niya na lang ang pang-ibabang labi niya at tuluyan nang pumasok sa loob ng bahay ng lola niya na hindi man lang inaaya sa loob si Sunny."Oh, Amelie? Parang

    Last Updated : 2025-03-26
  • MY CHEATING HEART   Chapter 4

    "HINDI ka ba nasaktan?" tanong sa kaniya ni Drake habang naglalakad sila. Nakaagapay ito sa kaniya habang nakasunod naman sila sa likuran nina Tristan at Sunny.Nakalagay sa likod ni Sunny ang kamay ni Tristan, inaalalayan ito sa paglalakad habang mahinang nagbubulungan ang dalawa."Sila na ba?" tanong niya kay Drake na hindi pinansin ang tanong nito sa kaniya kanina.Nagkibit-balikat naman ito."Ewan. Hindi namin alam kung ano'ng score sa kanilang dalawa. Bakit? Selos ka?" nanunudyong tanong nito sa kaniya.Lumabi siya at inirapan ito.Siyempre . . . Bulong niya sa isip. Pero hindi niya isinatinig dahil alam niyang tutudyuin lang siya ni Drake. Dapat talaga hindi na lang siya sumabay sa mga ito, hindi niya pa kasama si Tere dahil sinundo ito ng kuya niya."Alam mo, hindi ko akalain na ipagtatanggol mo si Sunny roon sa grupo nina Melody," anito na nakapagpalingon sa kaniya."Kapatid ko siya, malamang na tulungan ko siya kapag nakikita ko siyang nasasaktan. Ikaw ba kapag nakita mong gi

    Last Updated : 2025-03-26
  • MY CHEATING HEART   Chapter 5

    "ANG ganda mo, Amelie," papuri sa kaniya ni Sunny. Hindi siya umimik at tinitigan lang ang sarili sa salamin.Naka-messy bun ang buhok niya at may mga hiblang nakakawala sa kaniyang tainga. Manipis lang ang makeup niya, pero dark na red lipstick ang pinalagay niya. Gumanda nga siya, ang kaso . . . mas maganda pa rin ang kapatid niya. Pareho sila ng gown na suot. Isang tube cocktail dress. Kulay itim na maraming sequins ang sa kaniya samantalang baby pink naman ang kay Sunny.Nagmukha itong dalaga, bumagay sa kulay ng gown ang kutis ng balat nito. Malambot at mala-sutla."Maganda ka rin, Miss Sunny," ani ng baklang kumare ng stepmother niya na nag-ayos sa kanilang dalawa. Mayuming ngumiti ang kapatid niya. Maski ang pagngiti nito ay nakahahalina. Lihim siyang napabuntonghininga at isinuot na ang black na three-inches heels niya."Tulungan na kita," ani Sunny at yumuko sa harap niya. Nakaupo kasi siya sa harap ng dresser. Hindi niya na ito nasaway dahil inagaw na nito sa kaniya ang sapa

    Last Updated : 2025-03-26
  • MY CHEATING HEART   Chapter 6

    NANG sumunod na pasukan ay nalungkot siya. Wala na kasi si Tristan sa school nila. Tapos sa Manila pa ito nag-aral ng college. Do'n na rin ito magbo-board dahil hussle kung uuwi pa ito araw-araw.Ang nagbibigay lakas na lang sa kaniya ay ang araw ng Sabado at Linggo kung saan uuwi si Tristan.Doon niya na lang ito nakikita. Madalas sa nakakasabay niya ito sa agahan. Pero madalas itong wala. Lagi nitong kasama si Sunny. Sa tingin niya may relasyon na ang dalawa pero hindi lang umaamin.Mas okay na rin na hindi pa umaamin ang dalawa dahil alam niyang masasaktan lang siya nang sobra kapag nalaman niya ang totoo. Mas madaling magpanggap at paniwalain ang sarili sa bagay na gusto niyang paniwalaan kaysa harapin ang katotohanan na may ugnayan na ang kapatid niya at ang lalaking mahal niya."Amy, puwede mo bang gisingin si Tristan? Ang alam ko kasi may lakad siya ngayon at nagpapagising nang maaga, hindi ko naman maiwan itong whini-whisk ko dahil baka 'di ko makuha ang consistency na gusto k

    Last Updated : 2025-03-26
  • MY CHEATING HEART   Chapter 7

    HINDI na siya bumalik sa loob, dumaan siya sa pool side at dirediretso nang lumabas sa bahay ng mga Rivera. Nanginginig ang mga kamay niya at tuhod kaya nagpasya na lang siya na tumuloy sa bahay ng lola niya na katapat lang ng bahay ng mga Rivera.Napagbuksan siya ng lola niya. "Tapos na ang party?" tanong nito at tumanaw pa sa likuran niya."Hindi pa po," mahinang tugon niya at pumasok na sa loob."Oh, bakit umuwi ka na?""Pagod na po kasi ako, e," katwiran niya. "Akyat na ako sa taas, 'La," paalam niya at hindi na niya ito inantay na makasagot, nagtuloy-tuloy na siya sa hagdanan at pumasok sa kuwarto niya.Nahiga siya sa kama na hindi man lang nagpapalit ng damit. Namaluktot siya roon habang yakap-yakap ang unan niya. Hinayaan niya ang sarili na umiyak. Ang gusto lang naman niya ay mapansin siya ni Tristan, pero paano pa iyon mangyayari kung nagmamahalan na ito at ang kapatid niya?Agawin mo si Tristan . . .Sulsol ng isang bahagi ng utak niya.Bumangon siya at naupo sa kama. Walang

    Last Updated : 2025-03-26
  • MY CHEATING HEART   Chapter 8

    "TIGILAN mo nga 'yan! Para kang tanga!" sita ni Tere sa kaniya sabay hila ng kamay niya palayo sa bibig niya. Kanina niya pa nginangatngat ang mga kuko niya dahil sa sobrang kaba. Habit niya iyon lalo na kapag tensiyonado siya.Tumingin siya sa relo, mag-iisang oras ng late sa kasal nila si Tristan. Kanina pa kompleto ang entourage at inip na naghihintay sa labas ng simbahan.Maski siya ay inip na inip na rin kanina pa. Nakontak naman daw kanina ito ng mommy nito at sinabing na-traffic lang daw. Pinanghawakan niya iyon. Inisip niya na lang na baka na-traffic lang talaga si Tristan."Darating pa ba ang groom mo?" tanong ni Tere sa kaniya. Ito ang bridesmaid niya dahil si Sunny ang tumayong maid of honor—sa kagustuhan ng kaniyang daddy.Ayaw niya sana dahil ayaw niya nang budburan ng asin ang sugat na nilikha niya rito, pero masyado siyang masaya dahil ikakasal na siya kay Tristan kaya hindi na niya pinansin ang kapatid. Mukha rin namang wala itong planong tumutol dahil sumang-ayon ito

    Last Updated : 2025-03-26
  • MY CHEATING HEART   Chapter 9

    NAG-INIT ang mukha ni Amelie nang mapag-isa sila ni Tristan sa hotel suite nila.Maganda ang suite. May overlooking view ng city. Malaki ang kama at napapalibutan ng mga rose petals. Nagkalat din sa paligid ang mga maliliit na scented candle. Dim ang ilaw kaya napaka-romantic ng ambience.Hindi niya maiwasang kiligin. Sa katunayan napakabilis ng tibok ng puso niya sa isiping dalawa lang sila ni Tristan suite na ito.Matagal niyang pinangarap at in-imagine ang magiging ganap sa unang gabi nila bilang mag-asawa.Marami na siyang nabasa at napanood kung paano paligayahin ang isang lalaki sa kama. Kaya kahit virgin siya at never been touch and never been kissed ang drama niya hindi naman siya inosente sa mga ganoong bagay.Nagtanggal na ng suit si Tristan at necktie. Lumapit ito sa center table kung saan mayroong bote ng wine na nakalubog sa bucket ng yelo. Binuksan nito iyon at nagsalin saka mabilisang nilagok.Tumikhim siya para makuha ang atensiyon nito.Bahagya lang siyang sinulyapan

    Last Updated : 2025-03-26

Latest chapter

  • MY CHEATING HEART   Wakas

    MAAGANG nagising si Amelie kahit pa masama ang pakiramdam niya. Ilang umaga nang madalas na nakahiga lang siya sa kama dahil sa nararamdaman. Pero iba ang sigla niya ngayong umaga. Kahit pa kanina ay nagduduwal at nahilo na naman siya, nagawa niya pa ring bumangon at makapagluto ng agahan.Na-miss niya ang ganito. Ang magising na magaan ang pakiramdam at walang pangungulilang nararamdaman. Puno ng galak ang kaniyang puso.Napalingon siya sa pintuan ng kusina nang makita roon ang asawa. Kagaya kagabi ay nakatingin na naman ito sa kaniya na tila siya ay isang aparisyon na kung kukurap ito ay bigla na lang siyang mawawala.Hindi ganoon ang iniisip niyang muling pagkikita nila. Nagulat pa siya kagabi nang parang walang panahon na nagkawalay sila nang yakapin siya nito. Para bang araw-araw siyang naroroon at nakakasama nito. Kumain sila nang hindi nakakapag-usap. Hinayaan niya lang si Tristan dahil iniisip niyang nabibigla ito sa pagdating niya sa bahay.Natulog siya sa bisig nitong mahigp

  • MY CHEATING HEART   Chapter 51

    IT'S been three months since Amelie left. Masakit at hanggang ngayon hindi niya alam kung paano pakikitunguhan ang sakit na nararamadaman niya. Amelie take his heart with her when she left him. And now, para siyang robot na nakaprogramang huminga at gumalaw.Nabubuhay at kumikilos siya ayon na lang sa dikta ng pagkakataon. Bumalik si Tristan sa trabaho. Nanatili siya sa bahay nila ni Amelie. Their home doesn't feel home anymore. There's something missing. Somewhere felt empty.Ganito na nga siguro talaga ang magiging buhay niya. Kung makakaya niyang makapag-move on, hindi niya alam. Nilinaw ni Amelie na wala na sila. Ayaw niya itong pilitin dahil ngayon na-realize niyang kung mahal niya talaga ito, hahayaan niyang mag-grow ang asawa sa paraang gusto nito . . . ang magkalayo sila. Mahirap, sobrang hirap. Pero magtitiis siya para kay Amelie."'Tol, sama ka naman. Night out. Friday naman, e, walang pasok bukas," aya ni Carlos, officemate niya.Nginitian niya ito habang inaayos ng mga gam

  • MY CHEATING HEART   Chapter 50

    "TRISTAN . . .""Yes, baby?" sagot nito kay Amelie habang patuloy na hinahalikan ang balikat at leeg niya.Nagtatalo naman ang loob niya dahil sa ginagawa ni Tristan. Gusto niyang pumikit at namnamin ang ginagawa nito pero kailangan niyang paglinawin ang isip at paglabanan ang nararamdaman.Kailangang manalo ang isip niya sa pagkakataong ito at hindi ang damdamin.Mali na nga na nagpadala siya sa pang-aakit ni Tristan. Pero may akitan bang nangyari? Nakahihiya mang aminin sa sarili niya pero wala, hindi siya inakit ni Tristan dahil nang halikan siya nito ay walang pagdadalawang-isip na tinanggap niya iyon."Tristan, stop it. Teka nga. Tristan." Napabuntonghininga na lang siya dahil parang walang naririnig si Tristan, patuloy lang ito sa ginagawa.Kapag umiiwas siya at lumalayo hinahapit naman siya nito palapit.Pinilit niyang tumayo pero hinila lang siya ni Tristan at pumaibabaw ito sa kaniya. Ngiting-ngiti itong nakatunghay sa kaniyang mukha. Tila kinakabisado pa nga nito ang bawat s

  • MY CHEATING HEART   Chapter 49

    "HI," bati ni Sunny. Agad na tumayo ito pagkakita sa kaniya. Alanganin ang ngiting nakapaskil sa labi nito, tila nananantiya.Tipid ang ngiting ibinalik niya sa dalaga. Napahimas siya sa batok niya. Wala pa siyang ligo o kahit hilamos man lang. Hindi pa rin siya nakakapag-ahit ilang araw na. Dalawang araw na siyang nagkukulong sa bahay nila. Nakahiga sa kama habang binibilang ang mga gumagapang na langgam sa kisame niya.Si Amelie ang naiisip niya. Hindi na kasi sila ulit nakapag-usap pagkatapos niyang akyatin ang bahay ng mga ito at makausap ito. Wala pa siyang balita sa asawa, sa totoo lang ayaw niya munang makibalita. Ayaw niya munang isipin na aalis si Amelie at kailangan na muna nilang maghiwalay. Na kung hanggang kailan, hindi niya pa alam.Mas gusto niyang isipin na naroroon lang ito, naghihintay na uwian niya."You look . . . awful," ani Sunny.Mahina siyang natawa. Maski ang mommy niya iyon din ang sinabi sa kaniya. Medyo nakaramdam siya ng hiya."Ano palang sadya mo?" tanong

  • MY CHEATING HEART   Chapter 48

    "GUSTO ko ng annulment, Tristan." Agad niyang pinigil ang pagpatak ng kaniyang luha nang makita ang gulat at sakit na bumadha sa guwapong mukha ni Tristan.Gusto niyang bawiin ang sinabi ngunit pinigil niya ang sarili. Tama lang na ngayon pa lang ay masabi niya na habang may lakas pa siya ng loob. Hangga't kaya niya pa."W-What?" halos anas na ni Tristan. Ang sakit ay bakas din sa tinig nito.Bumitiw siya sa pagkakayakap nito. Tila nawalan naman ito ng lakas kaya hindi siya nito napigilan."Narinig mo ako," malamig na aniya. Pinilit niyang tingnan nang diretso sa mga mata si Tristan para makita nito kung gaano siya kaseryoso. "Mag-file tayo ng annulment—""Ayoko! Hindi . . . Amelie . . . bakit?"Nag-iwas siya ng tingin dahil hindi niya makayanang tagalang titigan ang mukha ni Tristan."'Yon naman ang dapat. Noon pa nga tayo dapat pormal na naghiwalay, Tristan.""Is this because of what happened? Because I deceived you when you had your amnesia? I . . . I—"Huminga muna siya nang malal

  • MY CHEATING HEART   Chapter 47

    AMELIE is safe now. Kahit paano ay nakahinga na siya nang maluwag. Inilipat na ito ng silid mula sa ICU, pero under monitoring pa rin ang asawa niya. Sinigurado naman ng doctor na ligtas na ito at kailangan na lang ng pahinga.Malalim siyang napabuntonghininga. Parang ngayon lang siya nakahinga nang maayos simula pa kahapon. Buong akala niya mawawala na sa kaniya si Amelie. Buti na lang talaga at lumaban ito. Hinaplos niya ang noo nito at hinawi ang mga hibla ng buhok doon palayo sa mukha nito. Maputla pa rin si Amelie dahil sa dami ng dugo na nawala sa kaniya.Hinalikan niya ito sa noo at ginagap ang kamay nito saka iyon dinala sa pisngi niya. Napapikit siya nang maramdaman ang init na nagmumula sa palad nito."Tristan, I need to talk to you," dinig niyang ani ng daddy ni Amelie mula sa likuran niya.Saka niya lang ulit naalala na naririto rin pala sa loob ng silid ang pamilya ni Amelie pati na ang mommy at daddy niya. Napabuntonghininga siya. Alam niyang alam na nila ang nangyari pa

  • MY CHEATING HEART   Chapter 46

    NANATILI lang nakatingin si Amelie sa kisame habang nagkakagulo ang mga taong dumudulog sa kaniya. Nahawi ang mga ito nang may isang pigurang lumapit at lumuhod sa tabi niya pagkatapos ay kinandong ang ulo niya.Nanlalabo ang mga mata niya dahil sa luha at pagkahilo. Ramdam na niya ang panghihina ng sariling katawan. Ang unti-unting paghirap na huminga."Please, hold on . . ." ani ng lalaking may kalong-kalong sa ulo niya. Naramdaman niya ang mainit na likidong pumatak sa pisngi niya mula sa mga mata nito.Pamilyar ang tinig sa kaniya. Isang pamilyar na boses na hindi niya pagsasawaang pakinggan. Ikinurap-kurap niya ang mga mata para paalisin ang mga namumuong luha. Nais niyang makita kung sino ang dumating. Nais niyang kumpirmahin kung tama ba ang hinala niya. At nang luminaw ang kaniyang mga mata at makita ang takot at puno ng pag-aalalang mukha ni Tristan ay may tuwang umahon sa kaniyang puso."D-Dumating ka . . ." aniya. Ngumiti kahit nahihirapan. Kanina pa niya iniisip na kung it

  • MY CHEATING HEART   Chapter 45

    GUSTO niyang sumugod sa loob ng rest house ni Dave, pero mahigpit na nakahawak sa braso niya ang mommy niya na kasama niyang sumugod dito nang malaman nila kung saan dinala ng mga k-um-idnap sina Amelie at Sunny.Kasama nila ang mga pulis, ang magulang ni Dave, at si General Santisimo na kumpare ng daddy niya.Nasa loob na ang swat at dinig nila ang putukan sa loob. Halos hindi siya humihinga. Nais niyang pumasok pero nangangamba siya na baka atakihin naman ang mommy niya, isa pa'y nangako ang General na walang mangyayaring masama sa dalawang babae dahil undercontrol na ng mga ito ang sitwasyon."Si Sunny!" sigaw ng mommy nito na katabi at nakayakap sa esposo. Kasunod ito ng mga magulang niyang dumating nang makarating sa mga ito ang nangyari."Diyos ko, ang anak ko!" parang hihimataying paghihisterya ni Mrs. Rivera.Palabas si Sunny sa rest house, nakaalalay rito ang dalawang swat. Namumutla ang babae at nanginginig. Nagkaroon ng pag-asa ang puso niya. Kung ligtas si Sunny, malamang

  • MY CHEATING HEART   Chapter 44

    "D-DAVE . . ." Namutla si Sunny nang makita si Dave.Maski siya'y nagulat din. Ibang-iba ang itsura ni Dave. Mahaba ang buhok nito at magulo. Makapal na rin ang balbas, mukhang ilang buwang hindi nagshe-shave ang lalaki. Namayat din ito at humumpak ang pisngi. Nanlalalim ang mga mata.Basa ang malagong buhok nito, halatang kaliligo lang. Puting long sleeve polo ang suot nito na hindi maayos ang pagkaka-tuck in sa itim na slacks, wala itong sapin sa paa."Hi, love . . . kumusta ka na?" malambing na tanong nito kay Sunny na ngayon ay unti-unti nang napapalitan ng galit ang gulat at takot na bumadha sa mukha nito kanina nang pumasok ang binata."Anong kalokohan 'to, Dave?" galit na tanong ni Sunny.Ngumiti lang si Dave. Lumuhod ito sa harapan ng kapatid niya. Ipinatong ang ulo sa kandungan ni Sunny. Nakapaling ang mukha nito sa gawi niya kaya naman kita niya ang pagod sa mukha nito. Nakapikit si Dave."I m-miss you, love . . ." garalgal ang tinig na ani Dave. Namasa rin ang pilikmata nit

Explore and read good novels for free
Free access to a vast number of good novels on GoodNovel app. Download the books you like and read anywhere & anytime.
Read books for free on the app
SCAN CODE TO READ ON APP
DMCA.com Protection Status