Chapter 25

Erika's Pov

Pagkatapos kumain ay muling nagbabad sa swimming ang mag-ama habang ako naman ay naupo lang sa sala at nanunod ng palabas sa television. Nang magsawa ang dalawa ay tinapos na nila ang pagligo sa swimming pool. Pinasamahan ko si Rose sa kanyang yaya para bihisan sa kanyang silid. Si Charles naman ay nagbihis ng damit sa banyo na malapit sa kusina.

Pagkatapos magbihis ng damit ni Charles ay lumapit siya sa akin at naupo sa upuan na kaharap ng inuupuan ko. Hindi siya nagsasalita at nakatitig lamang sa akin kaya hindi na ako nakatiis. Nakataas ang isang kilay na tinapunan ko siya ng tingin.

"Meron ka bang gustong sabihin sa akin? Kung wala ay puwede ka ng umalis. Mamayang hapon pa bababa ulit ang anak ko. Napagod siya sa pakikipaglaro sa'yo kaya natitiyak kong makakatulog siya pagkatapos niyang magbihis," sabi ko kay Charles.

Bahagyang tumikhim muna si Charles bago magsalita. "I know, kahit anong paliwanag ko sa'yo tungkol sa amin ni May ay hindi mo paniniwalaan, Erika. So I