Chapter 9

Ang family driver nila lolo at lola ang naghatid sa amin sa farm. Nasa passenger seat kami ni lola habang nasa front seat si lolo. Habang nasa biyahe ay nakatingin ako sa labas ng sasakyan at pinagmamasdan ang malalawak na plantation.

Sa kabilang side kami ng probinsya dumaan at napansin ko na puro taniman ang nadaraanan namin. Sa kabila kasi ay halos mga maliliit na gusali ang nakikita ko.

Halos fifteen minutes lang ang byahe namin at nakarating agad kami sa plantation. Medyo mataas na ang tirik ng araw kaya nagpayong kami ni lola. Si lolo naman ay may suot na sumbrero at nauna nang maglakad kasabay ang driver. Nagtungo sila sa loob ng malaking warehouse at kami naman ni lola ay pinagmasdan muna ang plantasyon.

“Ito ang malawak naming taniman. Minana pa ng lolo mo sa tatay niya ang lupang ito at hanggang ngayon masagana pa din,” pagkwento ni lola.

Totoo nga ang sinabi niya. Kahit saan ako tumingin ay sagana sa tanim ang plantasyon.

“Ang galing n’yo naman pong magpatakbo ng plantasyo