Chapter 10

WARNING: R18+

“Bella, sit! Very good!”

Binigyan ko ng treats si Bella nang sumunod siya sa sinabi ko. Nasa sala kaming dalawa habang nasa kusina naman si Markus. Ipagluluto niya na lang daw kasi ng lunch sila lolo at lola bago kamu bumalik sa farm.

Kanina ko pa nilalaro si Bella at pakiramdam ko ang tagal na naming magkasama. Sobrang lambing niya kasi talaga kaya natutuwa ako.

“Punta tayo sa kitchen?” tanong ko kay Bella na para bang sasagot siya.

Tumayo ako at nagtungo sa kusina. Sumunod naman kaagad si Bella sa akin. Naamoy ko kaagad ang niluluto ni Markus. Lumapit ako sa kanya para silipin ang niluluto niya.

“Masarap ba ‘yan?” nakangising tanong ko.

Lumingon sa akin si Markus at ngumiti. “Tapos na ba kayong mag-bonding ni Bella?”

“Hindi pa pero gusto kong siguraduhin na masarap ang niluluto mo kaya pumunta ako dito,” sabi ko.

“My cooking skills are beyond average level. Bata pa lang ako marunong na akong magluto. I guess, namana ko ito sa biological parents ko.”

Tinitigan ko siya.