Chapter 58:

Thrizel’s

Umabot ng hating gabi. Nandidito pa rin kami sa pool. Wala akong ginawa, umupo lang dito habang kinakausap si Link. Medyo sumikip din ang aking pakiramdam dahil biglang dumating si Ryke. Ilang linggo kaming hindi nag-usap at nagkita kaya ganito ang aking nararamdaman. Pakiramdam ko may tensyon sa amin, pakiramdam ko ay awkward. Ako lang ba nakakaramdam nito? Kung titingnan ko kasi siya. Parang wala lang sa kaniya na nandidito ako. Did I hurt him so much?

Umalis sa aking tabi si Link, papasok daw muna siya kaya ako nalang ang nandidito. Para hindi maburyo, kinuha ko ang aking selpon at ginawang abala ang aking sarili. Ayokong maramdaman ang ilang na ito lalo na’t ngayon.

"Thrizel, join us."

Napatingin ako kay Gio. Dahil sa pagtawag niya sa akin. Lahat ng kanilang atensyon ay napunta sa akin. Si Thrale na seryosong nakatitig sa akin. Si Ryke na kalmado. Si Brooks habang naninigarilyo. Si ate Anissa na nakangiti. Kulang nalang ay si Elkhurt, makukumpleto na silang lima.

"No n