Chapter One Hundred Twenty-Three 

LAHAT ng mga mata sa loob ng sa loob ng auditorium na iyon ay nakatingin sa kanya. Pakiramdam tuloy ng labingtatlong taong gulang na si Gelli, marami ang nagmamahal sa kanya. Kahit nga sigurado siyang naroroon din ang kapamilya, kaibigan at tagahanga ng iba niyang groupmates. 

Wala namang masamang mangarap, hindi ba? Tanong pa niya sa sarili. 

Ang nais naman niya talaga ay iyong nasa kanya ang atensyon ng lahat. Nangyari naman iyon sa kanya nu’ng siya pa ang bunso sa pamilya kaya lang dumating si Kat-Kat kaya pati ang atensyon ng kanyang mga ate ay nalipat dito. May atensyon pa rin namang ibinibigay sa kanya kaso kapiranggot na lamang at nakakainis iyon sa kanyang palagay. 

Magaling siyang sumayaw, akala niya ay iyon ang magiging lamang niya sa bunsong kapatid pero nagkamali siya. Pagsasayaw din