Kabanata 27

Nagtinda pa rin ako sa palengke kahit bumabagabag sa aking isipan ang posibilidad na baka buntis nga ako. Samo't sari ang nararamdaman ko sa naiisip. May parte sa aking puso ang masaya at nagagalak, ngunit may parte rin ang natatakot sa maaaring gawin ni Tiyang Lucita sa 'kin, lalo pa't hindi pa ako tapos sa pag-aaral.

Nagkakatext pa rin kami ni Cole ngayon ngunit wala pa akong balak na sabihin sa kanya ang hinala ko. Saka na kapag sigurado na talaga. At kung anuman ang resulta, gusto ko mismo na sa personal niya malaman.

Nasa kalagitnaan ako ng malalim na pag- iisip nang tumunog ang cellphone ko. Napapitlag ako at dali daling kinuha sa pag- aakalang si Cole ito ngunit napakunot ang noo ko nang makitang hindi nakaphonebook ang numero. Puno ng pagtataka ko itong sinagot.

"Hello Ze, Kumusta? Si Aaron 'to." Pakilala agad ng nasa kabilang linya kaya parang nawala sa isip ko inaalala.

"Aaron, hi! Napatawag ka?" Tanong ko at naalala din bigla na hiningi pala nito ang numero ko noong minsang