Kabanata 29

Nayakap ko nalang ang sarili dahil sa lamig ng hanging dumadampi sa aking balat. Madilim na ang paligid at tanging ilaw lang na nagmumula sa street light ang nagbibigay liwanag sa waiting area kung saan ako nakaupo at walang sawang naghihintay.

"Nasaan ka na ba." Nag-aalalang usal ko sa sarili. Sisinghot singhot dahil sa walang katapusang luhang dumadaloy sa mga mata ko. Wala ng masyadong tao sa lugar ngunit hindi ako nababahala sa anumang takot o peligro para sa sarili ko dahil mas nanaig ang pagkabahala ko para kay Cole.

Lagpas dalawang oras na ako naghihintay sa kanya ngunit hanggang ngayon ay hindi pa rin ito dumadating. At ngayon lamang ito nangyari magmula ng naging kami. Ngayon lamang kaya sobra sobra akong nababahala at kinakabahan.

"More patience pa Zelena." Mariing payo ko pa sa sarili. Na kahit abutin na ako ng madaling araw sa paghihintay ay maghihintay ako lalo na ngayong wala na akong mauuwian dahil alam kong hindi na ako tatanggapin pa ni Tiyang.

Huminga ako ng malalim b