Kabanata 33

( Makalipas ang Limang Taon)

"Congratulations! You passed the initial interview and you are invited for the final interview tomorrow!"

Kakabukas ko pa lamang sa aking cellphone at ito agad ang email na bumungad sa akin. Unang basa ko pa lamang sa mensahe ay napatili na ako sa saya.

Sa wakas kinontak din ako kaagad ng kompanyang inapplayan ko bilang isang receptionist sa isa sa napakalaki at sikat na hotel sa buong Asya.

"Mama, why are you so loud? I'm sleepy pa." Nagmamaktol na turan ng aking maglilimang taong gulang na anak na si Connor. Bihasa at tuwid itong magsalita ng Ingles dahil sa mga napapanood nitong palabas na cartoons. Gustuhin ko man maging isang simpleng bata ang anak ko ay wala akong magagawa dahil talagang inborn ang katalinuhan nito. Idagdag pa na super gwapo ito at mestisohin ang kutis kaya kadalasan rin itong napagkakamalan na anak ng isang mayaman.

At aaminin kong napakalaki ng pagkakahawig nito sa ama niyang si Cole. Ang lalaking nang- iwan sa akin limang taon na a