Kabanata 25

( Zelena's POV )

Mabilis lumipas ang mga araw at linggo. Tapos na ang klase at bakasyon na. Ginugol ko ang panahon na kasama si Cole pero sumasideline pa rin ako sa palengke at kay Mrs. Fuentes para may maitabi para sa susunod na semester at may maipadala na rin kay Tiyang.

Gusto sana ni Cole na magpaenroll ako para sa summer class ngunit nahihiya na ako sa rami ng naitulong niya. Kahit naman ramdam ko ang suporta at pagmamahal niya ay ayaw ko namang abusuhin. Hangga't kaya ko ay magsisikap din ako. Ayaw kong iasa sa kanya lahat.

"Napagod ba ang sweetheart ko? Hali ka na, sakay na." Tanong nito matapos ang trabaho ko sa palengke. Ilang minuto rin siyang naghintay para sunduin ako. Nakabili na rin kasi siya ng motorsiklo.

Pagod akong ngumiti at dali daling umangkas. Yumakap ako sa beywang niya at isinandal sa malapad niyang likuran ang pagod kong katawan.

"Sabi ko naman kasi sayo na wag ka ng magpakapagod. Kaya naman kitang suportahan." Mahinahong turan nito bago tuluyang paandarin ang