Kabanata 67

"Bakla, may nangyari ba? Bakit nagmamadali kang umalis?" Naguguluhang tanong ni Gail habang nakasunod sa akin.

"Pumunta nalang tayo sa ibang store." Mahinahon ngunit garalgal ang boses na sagot ko. Napahinto ako ng hawakan ni Gail ang braso ko.

"So may nangyari nga? May nang-away ba sayo dun sa boutique? Tara! Balikan natin." Seryoso pero puno ng concern na saad niya. Sa ikinilos ko ay talagang maghihinala siya.

Huminga muna ako ng malalim bago sumagot.

"Nagkita kami ng mommy ni Brandon. Kasama niya pa si Krissy nang pumasok sila sa boutique. May sinabing hindi maganda tungkol sa 'kin. Kaya mas maiging umiwas nalang tayo." Emosyonal na pahayag ko at bakas sa mukha ni Gail ang pagkairita.

"Ano!? Hinayaan mo lang silang pagsalitaan ka ng kung anu-ano? Tapos ikaw pa 'tong iiwas? Hindi naman nila pagmamay-ari itong mall para magyabang sila ng ganun. Tara na balikan na natin!" Sa tono pa lang ng pananalita ni Gail ay gigil na gigil ito.

Akmang maglalakad na sana siya pabalik ng boutique n