Kabanata 72

[ Meghan's POV ]

Nasa harap na ako ng building ni Mr. Parker. Nakakalula rin ang laki nito at napakaganda ng disenyo. Di maikakailang bilyonaryo ang may-ari.

Huminga ako ng malalim para mabawas-bawasan naman kahit papaano ang kabang nararamdaman ko. Ramdam ko na rin yung pamamawis ng kamay ko. "Kaya ko 'to!" Usal ko sa sarili.

Pagkatapos ko magpark ng sasakyan ay nanalamin muna ako sa rearview mirror para masiguradong maayos ang hitsura kong haharap sa kanila. "Ganda mo girl!" Nakangiting puri ko sa sarili.

At nang makontento ay bumaba na rin ako. Sumunod naman sa akin si Atty. Montecarlo na kakababa lang din sa kanyang sasakyan.

"Are you ready Ms. Walton?" Seryosong tanong nito. Kung tutuusin gwapo itong si Atty. Montercarlo. Halos kaedaran lang din siya ni Brandon. Yun nga lang kung tititigan mo ito ay masyadong seryoso na parang kay mahal bilhin ng kanyang mga ngiti. Idagdag pa ang suot nitong eyeglasses na parang terror na professor sa isang University.

Marahan akong tumango dahi