Kabanata 79

[ Calex POV ]

Umuwi ako ng bahay na aligaga dahil hindi pa rin nawawala sa aking utak ang mga sinabi ng babaeng yun. Para itong nag-eecho ng paulit-ulit sa aking tainga.

Hindi ako mapakaling nagpabalik-balik ng lakad sa may veranda namin habang hawak ang isang canned beer.

Di ako lubos makapaniwala na nalaman ng malditang babae na yun ang impormasyon tungkol sa pagkatao ko at talagang inalok niya pa ako para makipagsabwatan sa kalokohan niya. Nakakabilib din ang lakas ng loob niya!

Pero ang talagang gumulantang sa akin ay ang sinabi nito na hindi na raw matutuloy ang kasal nila ni Kuya Brandon dahil kay Meghan.

Napakaraming katanungan sa aking isip kung ano ang ginawang paraan ni Meghan at bakit ganoon nalang kadali na natigil nito ang magaganap na kasalan. Simula naman kasi ng nakabalik ako rito at nagpaiwan siya sa Manila ay hindi kami nagkakausap kahit sa tawag man lang. Di ko mapigilang manlumo dahil wala man lang siyang binabalita na kahit ano sa akin at sa ibang tao ko pa talaga