Chapter 29: Kidney Donor

“Naku, apo! Hindi iyon masyadong importante,” pangungutal nito. “Ano pala ang sabi ng doktor sa `yo?” pag-iiba ng paksa ni lola. 

“Ang tanging paliwanag sa akin ng doktor ay may mental disorder raw si nanay. Minana niya po ba iyon sa inyo?” pag-aalinlangan kong sagot at katanungan sa kaniya. 

Napabagsak na lamang si lola sa upuan nang dahan-dahan, saka tumingin sa akin nang direkta. “Naaalala mo pa ba noʼng hayskul ka pa lamang? Hindi baʼt iniwan kita? Hindi lang naman iyon dahil sa matinding pag-aaway namin ng nanay mo, e,” paliwanag niya. 

Tinabihan ko naman siya. “Kung hindi lamang iyon, ano pa po ang ibang dahilan nang pag-iiwan niyo sa akin na may kaugnayan sa sakit ngayon ni nanay?” Kinuha niya ang dalawang palad ko. 

“Kinakailangan kong umalis para ipagamot ang sakit ko,” pangangatuwiran niya. “Na