Chapter 36: Lead Singer

CHENANIAH'S XYRAH POV

Nang dinampot ko sa loob ng gabinete ang papel at panulat ay kaagad kong binilang ang aking pera nang patago lamang. Simple at maingat akong nagtatago sa loob ng aking kuwarto habang nagbibilang, sapagkat, muling magsisitaasan ang aking balahibo kapag ninakaw ni nanay ang perang pinagpawisan ko. Dahil sa apat na libong pera ang nawala mula sa aking pitaka, tuluyang nanghina ang aking katawan at tuhod dahil buong kaluluwa ko ang inilaan para maitaguyod nang maayos sina nanay at Naniel, pero pilit itong winawasak ni nanay dahil alak at sigarilyo.

Bagamaʼt ilang araw na ang nakalilipas simulaʼt nakalabas siya sa ospital, balik nang balik pa rin ito sa lugar na pinagmulan ng kaniyang sakit. Kahit nahihirapan sa sitwasyon, nananatili pa rin akong matatag dahil sa taong nagbibigay sa akin ng lakas upang makatawid sa peligrong tulay.

“Sa limang taon na ang nakalilipas mula nang ating hiwalayan, muli mong ginamot at hinawakan ang aking daliri.” Tumalon-talon ako sa iba