Chapter 42: Jamine Evangeline

CHENANIAH XYRAH'S POV

Kahit na iilang araw na ang nakalilipas simulaʼt naglantad ng kasinungalingan si Jamine na siya ang nagtanghal sa naganap na selebrasyon ay sariwang-sariwa pa rin sa aking isipan kung bakit nakakalap ito ng mga impormasyon at larawan tungkol doon na nagsilbing ebidensiya o patunay sa harapan ni Raze.

At, simula nang nagpakilala siya bilang Secrecy Gold Lady, pabalik-balik na ito sa kompanya upang akitin si Raze.

Ako ay nasisiguro na ang kaniyang paglantad ng pagkakakilanlan ay may kaakibat na misyon o layunin na siyang magdudulot ng peligro kay Raze.

Sa puntong iyon, humahantad sa aking isipan ang probabilidad na bakaʼy mahulog ang loob ni Raze sa babaeng iyon, sapagkat ang iisang katangian na hinahanap ni Raze sa isang babae ay ang may kakayahang magtanghal sa entablado sa napakaraming sangkatauhan, o may potensyal sa larangan ng musika at pagsasayaw. Akoʼy nakaramdam na tilaʼy may sumasakal sa aking puso ng sandamakmak na karayom. Bagamaʼt batid kong wala ako