Chapter 24: Fatherʼs Hatred

Matatanaw ko na rin muli ang taong matagal nang nawalay sa buhay ko. Halo-halong emosyon ang nangingibabaw sa akin ngayon, sapagkat, hindi ko pa rin inaakala na ngayong gabi, makikita ko ang imahe niya. Taimtim akong nanalangin sa Diyos na sana naging maginhawa ang kaniyang buhay rito sa loob kahit limang taon na ang nakalilipas noʼng dinampot o hinabol siya ng mga pulisiya o ordenansa. 

Napabuntonghininga akong napaharap sa aking kasama. “Naniel, pansensiya na kung nababagot ka na rito,” paumanhin ko sa kaniya. 

“Mommy, ayos lamang po kahit ilang minuto tayo maghintay rito. Naiintindihan ko naman ang kalagayan ng bilangguan na ito dahil itoʼy katamtamang lawak lamang kung kayaʼt abalang-abala ang mga pulis dito sa pag-aasikaso ng mga bisita sa mga nakulong,” pagpapaliwanag na komento ni Naniel, saka binigyan ako ng yakap.

Binigyan ko na lamang siya ng ngiti bilang tugon. Sa tuwing kaara