Kabanata 28.1

Maxine's POV

ILANG pagbuntong hininga na ata ang ginawa ko dahil ayaw talaga akong pansinin ni Tyler. Para s'yang bingi at bulag na hindi ako nakikita o naririnig man lang kahit na sinusundan ko ito.

"Tyler, sorry na kasi.." malungkot kong saad. Napanguso ako dahil ayaw man lang ako nitong lingunin.

Paano naman kasi, mukhang nagalit ata s'ya kasi nagkaroon kami ng usapan hindi ba? Kakain kami nang mga korean food at nakapagtext na s'ya sa akin kung saang eksaktong address kami magkikita.

Noong araw na iyon hindi ba't nagkaroon kami nang biglaang photoshoot? Naitext ko naman s'ya na hindi muna kami matutuloy, ang problema nga lang naubusan na pala ako ng load kaya hindi na-send! Kanina ko lang rin nalaman na ganoon nga ang nangyari.

Buong maghapon pala s'yang naghintay sa akin hanggang sa gumabi na lang. Kaya naman kanina hindi n'ya talaga sinasagot ang tawag ko kaya naisipan kong ipaliwanag sa kanya ang nangyari kaya heto, para akong buntot na nakasunod sa kanya.