Kabanata 29.1

Maxine's POV

NANG mahatiran kami ni Aling Ester ng pagkain, sandali pa itong nagtagal upang makipagkuwentuhan sa amin. Siguro ay palakaibigan lamang ito at maging ang nanay n'yang si Nanay Anita ay hindi rin nakatiis at pinuntahan rin kami ngunit may dala pa itong paper bag.

"Ah, matanong ko lang pala ang pangalan n'yo? Alam n'yo naman, ngayon lang tayo nagkakilala." Nakangiti pang saad ni Aling Ester at napahinto naman ako nang subuan ako ni Rusty ng kanin na may sabaw ng tinola at laman ng manok.

Hindi nakalampas sa aking mga mata ang hindi maitagong kilig ng mag-ina sa bawat ikinikilos ni Rusty. Talagang paniwalang-paniwala ang mga ito na mag-asawa talaga kami kaya nakakakonsensya rin itong pagpapanggap na aming ginagawa.

"Ako po si Maxine." Nakangiti kong sagot matapos kong manguya at malunok ang pagkain sa aking bibig. Bumawi naman ako at ako naman ang nagsubo ng pagkain kay Rusty at mas nilakihan ko pa para naman makabawi ako sa bawat kasungitang ginawa nito sa