Chapter 5: The Contract Marriage

MARIAM POV

Hindi akalain ni Mariam na may mas lalala pa pala sa pangalawang kondisyon ni Stanley. Dating him is ridiculously insane and now, a contract marriage with him?!

“Sira na pala talaga ulo mo e ‘no!?” galit na naibulalas ni Mariam. “And why would I marry a stranger like you!?”

“Kaya nga ako tumakas sa kasal ko dahil Michael is like a stranger even though I knew him since college. Itong lalaki pa kaya na ito na ngayon ko lang nakilala!?” sambit ni Mariam sa isip.

“Actually, I’m not a stranger anymore. Alam mo na pangalan ko at na isa akong Montecillo,” pagrarason nito. “We can get to know each other more sa dinner date natin bukas.” Kumindat ito sa kanya na siyang ikinamula niya. Kahit na naiinis siya dito ay talaga namang malakas ang appeal nito.

“Hindi sapat ‘yon na rason. Ano ba akala mo sa’kin… Easy!?” pagtataray ni Mariam. 

“No,” simpleng sagot ni Stanley.

“Then anong kalokohan ang pumasok sa isip mo para yayain ako sa contract marriage na yan? And what makes you think na papayag ako aber!?” Magkasalubong na ang kilay ni Mariam ngunit nanatiling kalmado at nakangiti pa rin si Stanley.

“You’re breaking condition number one, dear,” pang-aasar ni Stanley.

“Bullsh*t! The heck with your conditions.” Napatayo na si Mariam dahil sobrang nainis na talaga siya. “Forget it. I’m leaving! Idemanda mo na ako kung idedemanda mo ako.” Akmang aalis na si Mariam nang may pahabol si Stanley.

“You don’t have to decide right now. I have a deep reason kung bakit inaalok kita ng contract marriage, and I will tell it sa dinner date natin bukas.” Hindi ito pinansin ni Mariam at dire-diretso pa rin ang lakad papuntang pinto. Although there’s a big part of her na curious malaman ang dahilan nito. 

Hinabol naman siya ni Stanley at pilit kinukumbinsi.

“I hope you hear me out bago ka mag-decide. I’ll wait for you sa pavillion bukas ng gabi, 7 p.m. Just wear anything. I don’t care,” bakas ang pagsusumamo kay Stanley. Naramdaman ni Mariam how badly Stanley want this to happen, ngunit bakit?

She turned around to face him.

“Bakit ako? Marami ka naman diyan pwede yayain na sure na papayag agad. Dahil ba may pinanghahawakan ka sa akin?” curious na tanong ni Mariam.

“Because I want it to be you.” Tinitigan siya muli ni Stanley na siyang ikinamula muli ng mukha niya. “Masyado ng maraming nangyari ngayong araw na ito, and it’s getting late na rin. Let’s call it a night,” ani nito. 

Hindi sumagot si Mariam at dumiretso na sa pinto. “See you tomorrow night. Goodnight,” pahabol ni Stanley.

“I didn’t say yes,” ani ni Mariam.

“Yet,” dagdag ni Stanley. 

“You wish.” At tuluyan ng lumabas ng room niya si Mariam. Nakahinga siya ng maluwag paglabas ng kwarto nito. Napaka-intense ng ganap kanina. Ang dami niya ring katanungan. 

“Damn! Curiosity kills me!” bulong ni Mariam sa sarili. There’s only one way to find out at iyon ay ang siputin niya ito sa dinner date nila bukas.

*****

STANLEY POV

Sampung minuto na makalipas ang alas-siyete ng gabi ngunit wala pa rin si Mariam. Napapaisip tuloy si Stanley na marahil ay ayaw nga talaga nito makipag-contract marriage sa kanya. Sino nga ba kasing matinong babae ang papayag sa ganito lalo na’t hindi maganda ang first encouter ninyo.

Subalit mas pinili pa rin ni Stanley ang maghintay. He’s willing to wait for an hour or so. He’s still hopeful na pupunta ito. Kung tutuusin ay pwede niya naman itong sunduin sa room nito dahil palihim niya itong sinundan kagabi pero naisip niyang baka isipin nitong prine-pressure niya ito. No matter what’s her decision, he has to accept it.

Hanggang sa lumipas na ang 45-minutes ay wala pa rin ni anino ni Mariam. Maya-maya ay lumapit na ang waiter sa kanya.

“Sir, do you want me to bring in your order?” tanong nito. 

“Let’s wait for another 30 minutes,” sagot niya. Tumango naman ang waiter at iniwan na siya. Todo effort pa naman ang ginawa niya sa dinner date na ito. Nirentahan niya ang buong pavillion para sa gabing ito at pinadekorasyunan para maging romantic ang ambiance. Naka-semi formal outfit din siya because he wants to look presentable sa harap ni Mariam.

Paubos na ang 30 minutes at nawalan na ng pag-asa si Stanley na darating ang dalaga. Naghanda na siya upang umalis ng biglang dumating si Mariam suot ang isang short black chiffon dress na nagpatingkad sa kanyang ganda.

“Sorry if I’m late,” ani nito. Natuwa naman si Stanley at tumayo upang iusog ang upuan para kay Mariam. 

“It’s okay. Ang mahalaga pumunta ka.” Naupo naman si Mariam at tipid na ngumiti sa kanya.

“Thank you,” ani nito. Tinawag na ni Stanley ang waiter at umorder na ng pagkain. Napagdesisyunan niyang kumain muna bago pag-usapan ang contract marriage. He’s starving! Pagkatapos kumain ay si Mariam na ang nag-initiate ng usapan. “So… what’s your reason?” tanong nito.

Hindi naman na nagpaliguy-ligoy pa si Stanley. 

“Dahil ayoko pakasalan ang babaeng nirereto sa akin ng mga magulang ko. If I’m married to you it won’t be longer possible, right?” sagot nito. Hindi naman akalain ni Mariam na parehas sila ng sitwasyon nito. Subalit something doesn’t make sense.

“Pero bakit nga ako? We barely know each other, bakit hindi na lang sa kakilala mo talaga,” pagtataka ni Mariam.

“Because I like your personality. Feisty and challenging. Courageous and dignified,” sagot ni Stanley. “This contract marriage would be a fake, so don’t think na matatali ka talaga sa akin. It’s only for 6 months and it’s all for a show until tigilan na ko ng pamilya ko sa gusto nila mangyari.” Napapatango naman si Mariam na parang pumapayag na.

“Pwede rin ba ko magbigay ng mga kondisyon ko just in case?” Tanong ni Mariam.

“Of course,” sagot ni Stanley. 

“Deal,” mabilis na sagot ni Mariam.