Chapter 4: The 3 Conditions

STANLEY POV

Hindi alam ni Stanley kung paano siya magre-react. Tignan mo nga naman ang pagkakataon. Ang babae na mismo ang lumapit sa kanya. Sobrang saya niya na dininig agad ang hiling niya ngunit ayaw niya naman ipahalata rito ang nadarama. He decide to play a little by showing a poker a face.

“Pa’no mo nalaman kung saan ang room ko?” tanong ni Stanley. Pinipigil niya na huwag mangiti sa kilig hangga’t maaari.

“Hindi na ‘yon mahalaga. I really want to talk to you,” sagot ng dalaga. Seryoso ang mukha nito ngunit nawala na ang fierce aura nito kanina.

“Okay. Come in.” Pinapasok ni Stanley ang dalaga at isinara ang pinto pagkapasok nito. Doon sila nag-usap sa may living area. “What do you want to drink? Juice, soda, beer?” 

“No thanks. Hindi rin naman ako magtatagal. I just want to give you a sincere apology,” mahinahong sagot ng dalaga. Hindi niya naman inaasahan na ito ang ipinunta nito dito. Kung sasabihin nitong hindi siya natatakot na makipag-usap sa lawyer niya ay maaari pa.

“Are you serious? Parang ang hirap paniwalaan ha?” may halong pang-aasar sa tugon ni Stanley.

“Yes, I am. I don’t think we should make a big deal out of it. I am very sorry. Na-misinterpret ko lang akala ko talaga manya— sinadya mo iyon,” dagdag ng dalaga.

“Miss… wait… what’s your name?” Sabik si Stanley na malaman ang pangalan nito.

“Mariam Gutierrez,” sagot agad ng dalaga.

“Mariam… what a wonderful name,” ani ni Stanley sa sarili.

“Okay, Mariam... Do you really mean it? I mean napakatapang mo kanina then all of a sudden gusto mo na makipag-ayos,” may pagkasarkastikong tanong ni Stanley.

“As I’ve said, na-misinterpret ko lang ang intention mo. Nagpadala ako sa bugso ng damdamin. Can you accept my apology and move on?” pagsusumamo ni Mariam. 

Lihim naman napangiti si Stanley. Naisip niya na gamitin ang pagkakataon na ito upang makasama at mas makilala pa ang babae. At higit sa lahat ang maisakatuparan ang main goal niya.

“I understand na gusto mo na matapos ito, Mariam, but it won’t be easy as that,” sagot ni Stanley.

 “Anong ibig mong sabihin?” nag-aalalang tanong ni Mariam.

“Your sorry isn’t enough, dear,” sagot ni Stanley na tuluyan ng umupo sa couch. Nanatili namang nakatayo si Mariam.

“Akala ko ba pag humingi ako ng tawad magiging ayos na ang lahat. I’m sorry for slapping your face and calling you a perv,” bakas ang kaba sa boses ni Mariam na siya namang napansin ni Stanley. He’s getting a hunch na may deep reason ang dalaga kaya bigla nito gustong makipag-ayos.

“Well… you should have done it kanina. Wala nang effect ‘yan ngayon,” nakangising sagot ni Stanley.

“So, do you mean I must talk to your lawyer? Magfa-file ka ng complaint sa akin?” Sunod-sunod na tanong ni Mariam.

“Yes, unless you will comply with my conditions,” seryosong sagot ni Stanley. Matiim na ang titig nito sa dalaga.

“Woah… I knew it! You’re taking advantage of me!” inis na tanong ni Mariam. Nakakunot na ang noo nito.

“No, I’m not. You’re free to disagree naman. ‘Yun lang, you have to talk to my lawyer,” pang-iinis na sagot ni Stanley.

Hindi agad nakasagot si Mariam, mukhang pinag-iisipan nitong maigi kung ano ang isasagot. Hanggang sa unti-unting kumalma ang ekspresyon ng mukha at boses nito.

“Okay, fine. What are your conditions?” tanong nito.

“Well… I have three. Mabuti pa umupo ka muna para madiscuss nating maigi.” Inilahad ni Stanley ang kamay sa isa pang couch. Napilitan namang naupo si Mariam habang nakahalukipkip.

“For my first condition, I want you to treat me nicely from now on. Every time na makikita mo ko gusto ko babatiin mo ko ng nakangiti at hindi nakabusangot,” ani ni Stanley. Hindi pa niya ito nakikitang nakangiti that’s why he’s dying to see it.

“Okay. I can do that. Ano pa?” confident na sagot ni Mariam.

“Second, I want us to have a dinner date tomorrow,” nakangiting saad ni Stanley.

“What!? This is crazy!” Napatayo si Mariam sa narinig at nagprotesta. “I can’t. I barely know you!” giit ni Mariam.

“Kaya nga tayo magde-date para magkakilanlan tayo. I won’t force you if you don’t want to,” kalmadong turan ni Stanley. He has the upperhand kaya naman chill lang siya.

Hindi naman maitago sa mukha ni Mariam ang pagkainis ngunit maya-maya ay naupo lamang ulit ito. Mukhang ayaw na talaga nito palawigin pa ang nangyari.

“Ano ba ang huli mong kondisyon?” tanong nito.

“You have to agree with my second condition before we proceed, dear,” nakangiting tugon ni Stanley.

“Fine! Nang matapos na ‘to!” napilitang sagot ni Mariam. 

Mukhang umaayon sa gusto ni Stanley ang lahat. Medyo nag-aalangan nga lang siyang sabihin ang pangatlong kondisyon dahil sobrang unfair nito para kay Mariam.

But he should take the risk and do it. Selfish na kung selfish, but who knows? Mariam might understand and accept once naipaliwanag niya ng maayos ang lahat. It’s like hitting two birds with one stone. Masosolusyunan niya ang problema niya at makakasama pa niya ang dalaga at the same time.

“Ano? Magtititigan na lang ba tayo?” naiinip na tanong ni Mariam. Bumuntong hininga ng malalim si Stanley bago sabihin ang kanyang huling kondisyon.

“Lastly, I want us to have a contract marriage,” seryosong pagkakasabi ni Stanley. Nanlaki naman ang mga mata ni Mariam sa narinig. 

“Tell me you’re joking,” hindi makapaniwalang nasambit ni Mariam. 

“No, I’m not. I want you to marry me, Mariam.” Stanley’s eyes remain fixated on Mariam. Marrying her ASAP is the only way he thinks can solve his problem.