Chapter 6: Fake Marriage 101

MARIAM POV

Mabilis pa sa alas-kuwatro ang sagot ni Mariam at nakita niya ang nabiglang reaksiyon ni Stanley.

“O bakit gulat na gulat ka? Sabi ko deal,” ani ni Mariam. Seryoso ang mga mata niya habang tinatanong si Stanley. Napangisi naman ang binata na tila na-excite ng kumpirmihin muli ito ni Mariam.

“I just didn’t expect na papayag ka agad. I thought pag-iisipan mo muna,” nakangiting sagot ni Stanley.

“Ayaw mo ba?” tanong ni Mariam. 

“Of course, gusto ko,” sagot ni Stanley.

“Ayun naman pala e… Just to remind you, pumayag ka na magbigay din ako ng kondisyon ko kapag pumayag ako sa contract marriage natin,” ani ni Mariam.

“Yes. I mean it,” tugon ni Stanley. 

“I have a question, though,” ani ni Mariam. 

“Go ahead,” ani ni Stanley.

“Why are you against the marriage? Sa tingin ko naman sa mga katulad niyong alta normal na ang arranged marriage. So alam mo na mangyayari ito from the start,” curious na tanong ni Mariam. Gusto niyang mas maintindihan pa si Stanley.

“Yes, I do. But it’s unacceptable on my end. Kailanman hindi ako sumang-ayon sa arranged marriage na ‘yan. Bakit mo sila hahayaan na manduhan ang kaligayahan mo?” mariing lahad ni Stanley.

“We have the same belief,” bulong ni Mariam sa isip.

“Kung ikaw nasa katayuan ko papayag ka ba sa gusto nila?” Napaismid si Mariam sa tanong ni Stanley. “Don’t tell me you’ll let them control your life,” dugtong ni Stanley.

Bumuntong-hininga si Mariam bago sagutin ang tanong ni Stanley. Sa tingin niya ay it’s about time para ilahad na rin ang sitwasyon niya.

“A big no. Actually, we’re in the same situation. Ikakasal na dapat ako kahapon tumakas lang ako at nagpunta rito. Crazy, right?” malungkot na tugon ni Mariam.

“What!? No, that’s not crazy. Tama lang ang ginawa mo,” magkahalong awa at pag-aalala ang mababakas sa mukha ni Stanley.

“That’s the reason why I want to settle things with you. Kapag lumawig pa ‘tong gulo natin pwedeng ma-broadcast at maaaring malaman ng parents ko. I don’t want them to find out na I’m here,” dagdag ni Mariam.

“Oh, I see… I get it now,” sagot ni Stanley. “Since you agree with the contract marriage hindi na aabot pa do’n. Sa totoo lang wala naman talaga akong plano na gawin ‘yon,” nakangising sagot ni Stanley.

“So you tricked me pala,” ang nasabi ni Mariam.

“I’m sorry,” Taos-pusong paghingi ng paumanhin ni Stanley. 

“It’s okay. It’s for my own benefit din naman,” ani ni Mariam.

“Hindi ka galit?” ‘Di makapaniwala si Stanley. Handa na sana siyang masampal o matadyakan nito.

“Of course not. You’re right. ‘Pag nakasal tayo di na nila tayo guguluhin pa.” Inabot ng umaga kakaisip si Mariam tungkol dito kaya naman na-late siya ng gising kanina. Pero na-realize niya in the end na this is the right thing to do.

“Great! Now we’re talking!” masayang tugon ni Stanley.

“It’s only for 6 months, right? Tapos ‘di kamo talaga tayo totoong makakasal?” paglilinaw ni Mariam.

“Yes. May kakausapin ako na ayusin ang fake documents ng kasal natin. Pero dapat mapaniwala din natin sila na mag-asawa nga tayo,” dagdag ni Stanley.

“Teka… ano ibig mo sabihin?” naguguluhang tanong ni Mariam.

“Kailangan natin magpanggap na sweet at mahal natin ang isa’t isa kapag nasa public place at harap ng mga tao. We can’t convince them kung ilag tayo sa isa’t isa.”

“Damn…” Mukhang hindi ito napaghandaan ni Mariam at napakamot ng ulo. 

“I thought you anticipated it nung pumayag ka.” Sabay inom ni Stanley ng kanyang juice habang lihim na nangingiti.

“Shocks. Six months? Kaya ko ba ‘yun?” mahinang tanong ni Mariam sa sarili. Kitang-kita sa mukha niya ang pag-aalala. 

“Oo naman. Mabilis lang ang 6 months ‘no. Dapat nga one year e para mas kapani-paniwala—” Hindi na natapos ni Stanley ang kanyang sasabihin dahil biglang nagsalita si Mariam.

“Okay na yung six months. Three months would be short, and one year would be too long. Tama na iyang 6 months,” ani ni Mariam.

“Okay, if you say so. Just a heads up din, we need to share a room for 6 months,” nakangiting habol ni Stanley sabay kindat.

Pinagpawisan si Mariam ng malagkit sa narinig. Why she didn’t see this coming? Siya at si Stanley, mag-share sa isang kuwarto!? Hindi alam ni Mariam kung ano ang gagawin niya.

“Oh… my… God!” tanging naibulalas niya sa sarili.