Chapter 1

Maaga akong gumising kinabukasan na may ngiti sa mukha at may kasiyahang nararamdaman, ngayong araw kasi ang punta ko sa bago kung trabaho hindi ko maiwasang ngumiti ng ngumiti kasi finally meron na akong magiging trabaho, hindi ko na kailangang mamroblema ngayon kung saan ako kukuha ng pera. Naligo ako at nagbihis ng maayus na damit. Isa iyong pares ng jeans at isang white t shirt, at least malinis akong tingnan sa suot kong ito. Naglagay din ako ng kaunting polbo at liptint sa aking labi para hindi ako magmukhang maputla.

Sinukbit ko ang maliit kong bag at lumabas ng apartment para maghanap ng taxi pero sa gitna ng paglalakad ko ay bigla kong naalalang wala na nga palang akong pera, paano ako sasakay?Kagat labi tuloy akong napakamot nalang sa ulo.

Maglalakad nalang siguro ako? Hindi ko naman alam kung saan iyon, paano pala kung malayo? Hays bahala na. Tumayo muna ako at pinanood ng ilang sasakyang dumadaan paroon at parito. Maya maya lang tumigil sa harap ko ang isang BMW na sasakyan, mabilis akong umatras para hindi mahagip pero hindi ko maiwasang mamangha habang tinititigan iyong kotse. Kahit naman kasi hindi ako nakapagtapos ng pag aaral ay alam kung mamahalin at hindi basta basta ang ganitong sasakyan.

Mula roon ay lumabas ang lalaking nakasuot ng puting polo, si Lito! Iyong driver kagabi lang. Anong ginagawa niya dito? 

"Lito?Anong ginagawa mo dito?" Tumingin pa ako sa likod niya pero siya lang ang lumabas ng sasakyan.

"Pinapasundo ka ni Sir Tyron, Ihahatid kita ngayon sa kanya." Sambit nito dahilan para matango ako. Mabuti nalang naisipan nung ipasundo ako kasi kung hindi, hindi ko alam kung paano ako makakapunta doon.

"Salamat naman, kanina pa nga ako namomroblema kung paano ako makakapunta dun eh, bukod sa hindi ko yun alam ay wala pa akong pera." Ngumiti naman ito. "Kaya nga naisip niyang ipasundo ka nalang." Lumingon ako sa kanya. " Saan nga pala siya ngayon? Sa kanya mo ako dadalhin diba?" Tanong ko 

"Nasa opisina siya ngayon , doon din kita dadalhin, iyon ang utos niya." tumango tango ako bago ibaling ang paningin sa labas.

Mahigit kalahating oras lang ang biyahe bago kami nakarating, namangha ako sa taas at laki ng gusaling nasa harap ko ngayon, ni hindi ko nga mabilang kung ilang palapag meron ito. 

"Wow! Ang laki naman ng gusaling ito, dito siya nagtatrabaho? Anong trabaho niya dito?" Curious kung tanong habang nakasunod sa kanya papasok.

"He's the CEO," napatigil ako at nagulat. "CEO?" Tumango ito bago nagpatuloy sa paglalakad at paumasok sa elevator.

"Ibig sabihin sa kanya ito ganun ba?" Tumango ulit ito at ngumiti. "Hindi kaba makapaniwala?" Tanong naman nito. "Oo, kasi ang galing diba , parang ang bata pa niya para magkaroon ng pag aaring ganito kalaki," Manghang sagot ko.

"Ipinanganak si sir Tyron na mayaman, nag iisang anak kaya sa kanya lahat ipinamana ang lahat ng pag aari ng pamilya nila." Saad nito bago nagpatuloy sa paglalakad ng makalabas kami sa elevator. Napanguso naman ako. "Sana lahat diba?" Napatawa naman ito.

"Alam mo noon akala ko ang mga CEO ay yung mga matatanda na, yung mga malalaki ang tiyan tapos panot yung buhok," Napatawa pa ako sa sarili kong conclusion. 

"Meron din namang ganoon talaga, nagkataon lang na bata pa si sir, hindi pa rin siya panot." Doon ako tuluyang natawa. 

Tumigil kami sa harap ng pintuan at dahan dahan ni Litong pinihit ang siradura noon. Tumambad sa akin ang napakalaki at maganda nitong loob. Inilibot ko ang paningin ko dito. Maraming nakadisplay, lahat mamahalin , glass wall din dito kaya kitang kita ang lungsod sa labas. 

Sa muling pag ikot ng mga mata ko ay nadako iyon sa isang lamesa kung saan nakaupo ngayon ang lalaking pretenteng nakatitig sa akin, biglang kumabog ang dibdib ko dala ng kaba. Nakayuko akong umayos ng tayo dahil bigla akong tinamaan ng hiya.

"Good morning po, pasensya napo masyado kasi akong namangha, ang ganda po kasi dito." Tumango lamang ito. 

"Mauna na po ako Sir," Nagpaalam si Litong lalabas muna kaya lalo akong nakaramdam ng kaba. Kinurot kurot ko ang daliri ko at dahan dahang huminga. 

"Have a seat," Itinuro niya ang sofa sa di kalayuan ng mesa niya. 

"Ahmm, itatanong kopo kung ano magiging trabaho ko?" Sumanda siya sa kanyang bangko bago humarap sakin. " I want a maid, Your’e going to be my maid in my house, are you okay with that?" Nakangiti at mabilis akong tumango. "Okay po sa akin, kahit ano naman po pwede sakin," Agad kong sagot.

"Good, now gusto kong pag usapan ang magiging salary mo in one month," Tumayo ito at iniaabot sakin ang papel na agad ko namang inabot at binasa.

"Kontrata?" Tanong ko ng mabasa ang nasa unahang salita ng puting papel.

"Yes, I want a contract and you need to sign it if you are going to be my maid. " Sinimulan kong basahin ang mga nakasaad doon. Kung ano ang pwede at hindi pwede habang nagtatrabaho ako sa kanya.

"Una, habang nagtatrabaho ka sakin, I don't want you having a relationship slash boyfriend, Do you have a boyfriend?" Mabilis akong umiling. Mabuti nalang hindi ko priority ang pagboboyfriend.

"Ayaw kong may distraction sa pagtatrabaho mo sakin, Pangalawa , You need to obey me, I am your boss." Tumango ako. " Yes po Sir," 

"Pangatlo, Ang kontratang ito ay tatagal ng anim na buwan at kailangan mong magrenew if gusto mo pang manatili, " Pagpapatuloy nito.

"Your salary is 50k per month," Doon tuluyang nanglaki yung mga mata ko sa gulat. Really? Baka ginogood time lang ako nito.

"Yes, 50k per month, basta sundin mo lang ang kauna unahang rules ko sa kontrata. It is okay with you?"Tanong nito.

"Opo Sir, susundin kopo yun at saka wala po akong balak magboyfriend wala papo sa isip ko yan, at saka grabe po, ang laki ng sahod ko. Totoo poba talaga? Hindi poba kayo nagjojoke lang?" sayang sayang sambit ko.

"I'm not joking Ms. Samaniego," Baritonong boses na ani nito.

"And last , Gusto kong sa Mansyon ka titira sa loob ng panahong nagtatrabaho ka sakin, " Tumango ako , nabasa ko na din naman iyon sa kontrata. 

"Kilan po ako mag sisimula?" Tanong ko naman .

"You will start now, " Napatango ako at inisip na magpaalam muna para sana kunin ang mga gamit ko at sabihin sa may ari ng apartment na aalis ako at babayaran ko nalang siya. Pero wala pa akong pera ngayon.

"About your things, ipapakuha ko iyon kay Lito,  ako narin ang bahala sa bayad sa apartment mo, ngayon kailangan mo ng pumunta sa Mansyon. Nandoon naman si Manang Rita, She can assist you." Ngumiti ako at nagpasalamat bago niya tawagang muli si Lito upang ihatid ako.

Muli na naman akong namangha habang pinapasadahan ng tingin ang mansyong nasa harap ko. Magtataka pa nga naman ba ako eh , mayaman siya. "Tara na sa loob, naghahantay sa atin si Manang Rita. " Sumunod ako kay Lito papasok sa malaking gate ng Mansyon.

Tumambad sakin ang malawak at malaking loob ng mansyon. Ang nagkikintabang sahig at ang malaking hagdan pataas ang tuluyang nag pa wow sakin. 

Sa isang gilid ay lumabas ang babaeng nasa animnapu ang edad, nakangiti ito habang papalapit sa amin. 

"Magandang umaga po," Bati ko rito at ngumiti din. "Magandang umaga din iha, ikaw ba ang bagong katulong dito?" Tanong niya. 

"Opo, ako po si Aena," Pakilala ko " Ako naman si Rita, Manang Rita nalang ang itawag mo sakin," Ngumiti ito at hinawakan ng kamay ko.

"Kayo na po ang bahala sa kanya Manang, may kailangan pa po akong asikasuhin, pinapakuha ni Sir ang mga gamit niya sa apartment na tinutuluyan niya." Tumango naman ang matanda. "Ay sya sige, mag iingat ka sa iyong pagmamaneho," Paalala ng matanda dito.

Bumaling ito sa akin. " Halika, kumain ka muna, tikman mo iyong niluto kong nilaga at adobo," Hinila ako nito papasok sa loob ng kusina at tulad kanina ay hindi ako nadismaya dahil napakalaki din nito. Pinaupo niya ako sa lamesa at pinahanda ng pagkain. Nahihiya akong nagpasalamat. " Salamat po," 

"Masarap ba?" Tila nagagalak na tanong sakin ni Manang Rita. " Ang sarap po, subra," Nakangiting tummago tango ako.

"Paborito iyan ni Tyron, madalas ko siyang ipagluto niyan," Nakangiting ani nito.

"Mukhang malapit po ang loob niyo kay Sir, ilang taon na po kayong nagtatrababo sa kanya?" Tanong ko habang nililigpit ang pinagkainan ko at dinala ito sa lababo.

"Mahigit ng tatlumpong taon na, halos sa akin na lumaki iyang si Tyron lalo na at laging wala ang mag asawang Miguel at Leah, palaging nasa trabaho." Kwento nito sa akin. 

Naupi ulit ako ng matapos kung hugasan ang pinagkainan ko.

"Ang tagal niyo na po pala dito, bakit hindi papo kayo natigil sa pagtatrabaho? Wala po ba kayong pamilya?" Natatawa naman ang matanda.

"Naku, mayroon akong pamilya iha, may tatlong anak at asawa ako pero napamahal na ako sa trabaho ko at isa pa wala naman akong masiyadong gawa dito, ang mga anak ko ay may kanya kanya naring pamilya, ang mister ko naman ay pumanaw na. ito na ang libangan ko ngayon," Pagkwekwento nito habang nakangiti at kita mong nalilibang talaga siya sa ginagawa niya.

Ilang sandali pa kaming nagkwentuhan, naikwento ko rin kay Manang Rita ang tungkol sa aming magkapatid at sa magulang namin , nalulungkot ito para sakin. Napakabata  pa daw namin noon para maulila. 

"Nasaan ang kapatid mo ngayon? Nag aaral ba siya?" Tumango ako.

"Nasa probinsya po Manang, nag aaral po siya kasi nangako ako kina Mama at Papa na pag aaralin ko ang kapatid ko sa abot ng aking makakaya. Ayaw ko kasing matulad siya sa akin na hindi nakapagtapos. Ayaw kong mahirapan din siya pagdating ng araw." Mahabang lintanya ko na may halong lungkot ang boses.

"Napakaswerte ng kapatid mo sayo iha, napaka responsable mong ate." Ngumiti ako at sumunod sa kanya sa itaas.

Pumasok kami sa isang silid , malaki yun at masasabi ko ring maganda. Plain na kulay puti ang pintura nito. May hindi kalakihang kama sa gitna. May closet, may banyo at mayroon ding TV. 

"Kanino po itong kuwarto?" Tanong ko.

"Ito ang magiging silid mo," Nagulat ako. Ganito kalaki at kaganda ang kwarto ng katulong dito? Halos mas malaki pa ito sa tinutuluyan kong apartment.

"Oo iha, dito ang iyong silid. Doon naman sa dulong iyon ay ang silid ko. Maaari mo akong tawagin kapag mag kailangan ka at kung may gusto kang itanong, ayus ba sa iyo itong bago mong silid?" Nakangiti akong tumango. "Ayus na ayus po," 

"Mabuti naman, halika, ipapasyal kita sa loob ng mansyon," Inaya niya akong maglibot libot at ipinakita niya sa akin ang bawat parte niyon .