CHAPTER 9: What She Discovered

“I HATE NEPOTISM, Ruffa,” pigil ni Liberty na lakasan ang kanyang boses. “Bakit mo naman ibinigay ang resume ko sa jowa mo? Parang gusto kitang kurutin sa singit kamo!”

Bahagyang natawa ang kaibigan niya. “Bakit, Bakla, kapag ba nag-apply ka sa iba may tatanggap sa ‘yo?”

“W-wala, pero—”

“Iyon naman pala eh!” mahina siya nitong sinabunutan. “Naiinis talaga ako sa ‘yo. Nahihirapan ka na sa buhay pero pride pa rin iyang kinakain mo.”

Ganoon na lamang ang masama niyang pagtitig sa kaibigan bago ito ngusuan. “Kaya nga hindi ako nag-apply dito kase nahihiya na ako sa ‘yo. Ilang beses na kaya kitang naabala tapos ngayon—”

“Gaga ka,” mahinang sabi ng kaibigan niya habang nakatingin sa kanya nang seryoso. “Sino pa ba ang magtutulungan kung hindi tayo-tayo lang. Isa pa anong nepotism ka riyan? Anak ba kita?”

Natawa siya sa biro nito.

“Anong sabi ng jowa mo? Nagsisimula pa lang ang developing company niyo pero nakikigulo na ako sa inyo.”

“Sa tingin mo ba kukunin ka ni jowa just because kaibig