CHAPTER 10: What She Realized

UNANG ARAW PA lamang ni Liberty sa trabaho ngunit pakiramdam niya’y isang taon na ang pagod niya. Hindi dahil sa trabaho kung hindi sa ginawa ng kanyang Ate Leslie. Gusto niya itong makausap nang personal ngunit hindi niya alam kung paano magpapaliwanag nang hindi nagagalit dahil sa nangyayari sa kanyang buhay.

Kinakabahan man at hindi alam ang sasabihin, hindi niya na pinatagal ang kanyang problema at nagtungo kaagad sa tinitirahan nito. Habang binabaybay niya ang daan pagkatapos ng kanyang trabaho ay mas tumitindi ang pagdagundong ng kanyang dibdib.

“Ano ang sasabihin ko?” nag-aalala niya pang tanong habang lulan ng traysikel na sinakyan.

Ayaw niyang masaktan ang damdamin ng kapatid. Sa kabila ng kanilang hindi pagkakaintindihan mahal niya ang kanyang pamilya. Ngunit ang ginagawa nito ay hindi tama lalo pa’t gusto niyang ng makipaghiwalay sa asawa. Ayaw niyang mas lumaki pa ang kanilang utang na loob dito hanggang siya na itong hindi makatakas sa kanyang asawa.

Nang makababa ng tra