CHAPTER 13: Night Out

“ITO ANG KAILANGAN mo, Bakla!” pilit na sabi ni Ruffa sa kanya. “Kung magmumukmok ka na lang parati sa bahay niyo sa tuwing may problema ka, maaga kang malulusyang niyan!” 

“Hindi naman ako party person na katulad mo,” kontra niya rito habang nagdadalawang-isip pa rin na pumasok sa bar. 

“Gaga! Huwag mong hayaan na ang asawa mo lang ang masaya. Ipamukha mo sa kanya na hindi ka apektado. Hayaan  mo na usigin naman siya ng konsensya niya.”

“Pero—”

“Ano bang akala niya na porque nakikiayon sa kanya ang pagkakataon ay ganoon ka na rin? Never! Nasa modern world na tayo ‘no! Hindi na uso ang pagiging martir ngayon.”