CHAPTER 16: Another Betrayal

BAKAS ANG PAGKAGULAT sa mukha ni Duncan nang mga sandaling hindi siya nagdalawang-isip sa ginawa. Hindi ito makapaniwala na nakaya niyang tutukan iton ng isang kutsilyo para lamang maprotektahan ang kaibigang si Ruffa. Unti-unti, makikita rito na tila nasasaktan.

“Kaya mo talagang gawin sa akin’ yan?” tanong nito sa kanya.

Hindi pa rin inaalis ni Liberty ang tingin sa asawa. Kaya niyang makipagmatigasan dito hangga’t hindi umaalis ang asawa niya.

“Anong nangyari sa atin, Liberty?” nanlulumong tanong nito sa kanya. “Masaya tayo, kakampi natin ang isa’t isa kahit pa ang mundo na ang humahamon sa atin. Higit sa lahat, nariyan ang tiwala natin sa—”

“Ako ba ang sumira?” tanong niya sa asawa at bahagyang natawa. “Bakit parang lumalabas na ako pa ang may kasalanan, Duncan?”

“Hindi sa ganoon—”

“Eh ano?” pigil niya ang sarili na huwag ng magalit. “Sa inaasta mo parang ikaw pa itong biktima!”

“Umalis ka na, Duncan—”

“Huwag ka ritong nakikiaalam!” galit na dinuro ni Duncan si Ruffa. “Kasalanan