CHAPTER 46: Dearest Friend

“HOW CAN YOU be sure?” galit na tanong ni King sa staff ng hospital kung saan naka-confine si Liberty.

“Asawa niya po mismo ang nag-ayos ng releasing paper niya,” siguradong sabi ng nurse.

“Wala rin po kaming nakita kahit na anong pagtutol kay Mrs. Salvantez,” giit pa ng isa.

“Opo. Kaya ang akala namin ay ayos lang po na ang asawa niya ang susundo sa kanya, Mr. Salvantez.”

Naibagsak naman ni Charles ang kamay sa ibabaw ng lamesa. Bakas din ang galit dito dahil sa nalaman. Dahil sa industriyang ginagalawan nila, hindi naging malabo na naging malapit din sila na kalaunan ay naging magkalaban at magkaibigan. Ayon sa mga nalaman niya, dating kumukuha ng law si Charles ngunit lumipat sa programming kinalaunan dahil hindi naman talaga ang naunang kurso ang gusto nito at pinagbigyan lamang ang mga magulang. Malaking hakbang nang magsimula ito sa negosyo na ngayon ay kasusyo niya na rin niya.

“Alam mo ang ugali ni Ruffa, p’re!” sabing muli ni Charles. “Ayaw na ayaw na niyon sa lahat kapag ma