Chapter 82

“Is this what you want? Huh? Look at yourself, tell me, are you happy now?” Seryosong tanong ni Hanz ngunit pakiramdam ko ay tila inuusig ako nito dahil sa katigasan ng ulo ko. Bumuka-sara ang aking bibig ngunit walang anumang salita ang lumabas. Nang magsimulang lumabo ang aking mga mata ay mabilis na lumipat ang tingin ko sa sahig. Hanggang sa yumugyog ang mga balikat ko, kasunod nito ay ang pagpatak ng aking mga luha.

“I-I’m sorry.” Ito ang tanging nasabi ko sa garalgal na tinig, pagdating sa harap ni Hanz ay isa akong ordinaryong babae. Kapag kaharap ko ang aking asawa ay ramdam ko ang pagiging babae ko, isang babae na nangangailangan ng kalinga mula sa kanyang asawa. Parang gusto kong makulong sa kanyang mga bisig dahil batid ko na ligtas ako sa mga bisig nito.

“I am trying my best to be a good husband to you, Summer. Gusto kong ibigay ang isang perpektong pamilya para sayo, because you deserve it. Gusto ko ng isang asawa na dadatnan ko sa bahay pagdating ko sa trabaho. Gusto k