Chapter 69

“Cut! Okay guys, let’s break!” Narinig kong sigaw ng director, halos hindi na maalis ang ngiti ko habang nakamasid kay Hanz na kasalukuyang naglalakad patungo sa direksyon ko. Suot ko ang malaking shades kaya malinaw kong nakikita ang bawat expression ng mukha nito kahit pa matingkad ang sikat ng araw. Ito na ang huling movie na gagawin ni Hanz at nagsabi siya sa akin na hihinto na siya sa pag-aartista at magpo-focus na lang daw siya sa aming mga negosyo.

Simula ng ikasal kami ay naging dalawa na ang kumpanyang minominitor naming mag-asawa. Pasalamat na lang talaga ako at nand’yan ang biyenan kong lalaki na katuwang namin sa pagpapatakbo ng aming mga negosyo. Nagulat nga sila ng malaman nila na ang aking kumpanya ay magkakaroon ng unang branch nito sa labas ng bansa. Bukod pa roon ay lalong lumago ang kumpanya ng pamilyang Zimmer dahil naging sister company na ito ng kumpanya ko. Hindi na kayang pagsabayin ng aking asawa ang pagiging artista nito sa pagiging CEO ng tatlong kumpanya.