Chapter 24

“Ano ba nasasaktan na ako!” Naiinis kong sabi habang pilit na binabawi ang aking braso mula sa mahigpit na pagkakahawak ni Hanz. Kasalukuyan na kaming nasa may pintuan ng bahay ngunit ni hindi man lang nito magawang bitawan ang aking braso.

Nagtataka ako sa biglaang pagbabago ng ugali nito. Dahil pagkatapos ng nakaka-pressure na eksena kanina sa ginawa ng kapatid ko ay bigla namang sumulpot si Hanz mula sa likuran ko. Nagulat na lang ako ng bigla niyang haklitin ang braso ko at halos kaladkarin ako nito pasakay sa kanyang sasakyan.

Pagdating namin sa bahay ay wala na ni isang bisita at malinis na rin ang buong kabahayan. Ten o’clock na kasi ng gabi at kasalukuyan ng nagpapahinga ang ibang mga katulong. Pagpasok namin sa pintuan ay sumalubong sa aking paningin ang biyenan ko na matalim na nakatingin sa akin at si Scarlett na halos hindi agad nakahuma habang nakamasid sa aming mag-asawa. Nakasuot siya ng roba at halatang bagong ligo ito. Simula kasi ng dumating ang babaeng ito ay madal