Chapter 21

Summer’s Point of view

“Naalimpungatan ako dahil sa ingay na nagmumula sa labas ng kwarto, mabigat ang katawan na bumangon ako mula sa higaan. Nilingon ko ang orasan at halos manlaki ang aking mga mata ng makita ko na alastres na pala ng hapon. Mukhang napasarap yata ang tulog ko dahil inabot ito ng limang oras. Ngunit, ang labis na ipinagtataka ko ay hindi ako binulabog ng maingay na bunganga ng aking biyenan. Biglang kumalam ang sikmura ko kaya kaagad kong inayos ang aking sarili at naghanda na para sa paglabas ng kwarto.

Siguradong tambak na naman ang trabahong gagawin ko dahil batid ko na sinasadya ito ng aking biyenan para pahirapan akong lalo at kusang lumayas sa bahay na ito.

Isang mapait na ngiti ang sumilay sa mga labi ko, habang ikinakabit ang peke kong buhok. Nang masigurado ko na maayos na ang lahat ay tahimik akong lumabas ng kwarto. Dalawang hakbang na lang at malapit na sana ako may sa hagdan ngunit nagulat ako sa biglaang pagsulpot ng anim na katulong sa aking hara