Chapter 148

Napaka-awkward ng paligid, hindi ko alam kung paano kikilos sa harap ng dalawang lalaki na nasa aking harapan. Hanggang ngayon kasi hindi pa rin ako makapaniwala na nasa harap ko ngayon ang lalaking humila sa akin pababâ at naglugmok sa akin sa matinding kalungkutan.

Pinaglalaruan ba ako ng tadhana? Bakit sa dinami-dami ng kaibigan ni Hilton na maaari kong makadaupang palad ay ang manlolokong ex-boyfriend ko pa talaga?

Matinding pressure ang nararamdaman ko ng mga oras na ito at hindi ko alam kung paano pakikiharapan ang lalaking ito dahil sa totoo lang ay hindi pa ako handa.

“Ahm, B-Miles, nabanggit sa akin ni Xavien ang tungkol sa problema mo sa iyong-“ panimula ni Harry ngunit kaagad kong kinontra ang hindi pa natatapos nitong sasabihin.

“I can manage my personal matters, and I don’t need help from anyone. So please stop bothering yourself with nonsense topics.” Matatag kong pahayag na siyang ikinatameme nito. “Miles…” babala sa akin ni Hilton na hindi ko man lang tinapunan n